Oxem Ghoddta Teddnam...

Oxem Ghoddta Teddnam...

Wilmix Wilson Mazarello




Voros 1998 :-


Eka namnechya Tiatristacho tiatr (Gomant Vidya Niketan “Hall”-ant, Margao)

Tiatr suru zauncho vell:- Sanzchim, 3.30 vaztam

Tiatr suru zauncho vell, “pass” zaun ghoddialar 3.40 vazlelim.

Ek “ostori kolakar” azun “Hall”-ant pavunk nasli.

Ti “ostori kolakar” nastana, tiatr kossoch korunk zaina, tosli tichi bhumika asli..



Lokan bovall ghalunk suru kelo.

“Tiatr suru korat re”, mhunn lok bobo marunk laglo.

“Hall’-ant, chikar lok bhorlolo.

Fattlyan saun tornattyani “fiunneom” ghalunk suru keleo..

Sogloch, Bovall-Bovall-Bovall.



Tiatrachya “Director”-ak “tension” , kolakarank “tension’, muzgankarank “tension”.

Punn, tiatr koso suru korunk zatolo ?

Pavunk nam ti ostori, tiatrant mukhel bhumika korunk asli.

Punn, tiatr koslea karannank lagun suru zaina, hachem khorem karann mat , azun lokank khobor nasli.



Anink thoddea vellan , kaim lok “green-room”-ant eun, “Director”-ak dhomki diunk lagle.

“Director”, lipun bhonvunk laglo.

Tiatr suru kelo zalear , survatechim don kantaram zatanch , te “ostore-kolakar”-achi “entry’ asli.

Ani zorui ten’nai tem pavona zalear, magir kitem korpachem ?

Hem chintun “Director” fattim-fuddem zatalo.



Teach dissak , toch tiatr pollounk ek “Senior Tiatrist’ ostori. Bai Clara, Hall-ant bossun aslem

Lokancho bovall sonsunk zaina zaun , tem babddem, khobor gheunya mhunn “Green –room”-ant bhitor sorlem.

“Director’-an tika, somtench “ek aanj kosso paulem” mhunnon, hiche-tiche kopdde nessoilem , “make-up” kelem ,anink mukhel “ostore-kolakar”-achi bhumika korunk laili.



Clara, ek onbhovik kolakar aslolyan, tinnem ti bhumika keli ani tea dissak, to tiatr zalo. Bhumika korunk asli ti “ostori-kolakar” tiatrak eunkuch nam.

Ti kityak eunk nam ? Ti nastana tiatr kitlo boro zalo ?

Heam, osleam proxnnancher, atam ami bhasabhas korchinhum.




Punn, hi ghoddnni sangpachem ekuch karann mhunntlear, he ghoddnnentlean amkam sogleank ek lissaum xikunk mell’lem.”Kitem passun zaum eta tem, zorui ek tiatrantlo kolakar, okosmat tiatrak ienastana raulo / raulem, zalear”.



Voros 2000:-



Hovui, anik eka, titleach nanv-vostea Tiatrist-acho tiatr.

Zaago:- Murida , Fatorda / Borda.

Tiatr suru zaupacho vell:- Sanzchim 7 vaztam.

“Director”, Tiatrist, “Musician’, , sogle vellar paulole.

Sanzchim 6.30 vazlelim.



“Band-Leader” apli trumpet bhair kaddunk gelolo , tednanch taka kollun ailem ki , to tiatrachea kantaranchim ani “kant”-anchim soglim “solfam” ghara visrun aila.

Vell lainastana, tannem bhaddeachi “motorcycle” keli ani ghara vochpachi vatt dhorli, tim “solfam” haddunk.

Tachem ghor borench pois aslem.

To begin porot paupachi xokeach nasli.



Tiatr suru zauncho vell , sanzchim 7 vaztam dil’lo. Sadde-saat vazun gelim.

Lok mattvant bhitor sorunk laglo. Anink thoddea vellan, tea dissacho “Chief Guest” paulo. Lok mattvant bhorlo.



Ratchim 8 vazlim. “Band-Leader azun pavunk nam. Lokancho bovall suru zalo. Totnatteani fiunneom ghalpak suru kelem.

Konn eklo, mottean mhunnunk laglo “ tiatr komes korum vell ass zalear, muzgank tori vazoeai mhunn sangai re”.

Muzgank “vazoi” mhunn kosso sangtolo ? Tea dissak tiatr vazounk ekuch “trumpeter” also, ani tovui “solfam” haddunk ghara gel’lo assa.



“Contrador”-ancher, lok ulounk lagle.

“Contrador” bhieon , “Director”-ak sodhunk, vedi-fattlean ailo.

“Director”-an taka somzailo. Punn, lokank konn somzaitolo?

Lok aikona tem polloun, “Director”-an vedir ubo ravun, lokank somzaupacho proitn kelo, punn lokan taka “oosh!” mhunnon dhaunddailo.

Bovall ! Bovall ! Bovall !



Tiatr, suruch zaina tem polloun, lokam ani contradoram modem kestaum pettlem.

Eka-mekachea angar hath ghalun, mara-mari zaupacho vell paulolo.

Tednanch, sumar 8.15 vaztam, amcho “Band-Leader” solfam gheun, paulo.

Takai lokan “oosh! mhunnon ,, lojek ghalo.

Babddean loz sonsun, fokot donunch minttani, tiatr suru kelo.



Tiatr koso zalo,? Guneaum konnancho ? heam osleam proxnnancher bhasabhas korun faido nam.

Punn, hivui ghoddnni sangpachem karann mhunnttlear, hevui ghoddnnentlean amkam sogleank anink ek lissaum xikunk mell’lem “ Tiatrant , zann eklean ap-apli zabadari sambhallunk gorjechem” Tech porim “kosle haal zaum etat te , zorui ekuch “muzg”, okosmat tiatrak, ienastana raulo zalear”



Voros 2006:-.



Hovui ek “professional” tiatristachoch tiatr.

Zaago:- Kala Akademi, Dinanath Mangeshkar Hall , Ponje.

Tiatr suru zauncho vell dil’lo, “sanzchim 3.30 vaztam”.

Tea tiatrant zaitech “Light-effects” ani “Light”-incher dakhoupacheo “trick-scenes” astoleo mhunn “Director”-an, apleam jahiratincher , zahir kel’lem.



Tiatr suru zaucho vell, 3,30 vazlim.

Sogle kolakar hajir asle.

Fokot “Light-Operator” pavunk naslo.

“Mhaka lagun uskenakat, hanv ‘direct’, Ponje ‘Hall’-akodde etolom”, mhunn tannem “Director-ak sanglelem.

Punn azun pavunk nam.



Ak’khea tiatrachi sobhai “Light-Effects”-ancher asli, tor “Light-Operator”-uch nastana, tiatr kosso suru kortolo ?

Sanzchim 3.45 vazlim, Hallant “bovall’ susru zaunk laglo.

Lokank, somadhan korunk, muzgani ek “music-piece” vazoilo.

Lok il’lo somadhan zalo.



“Light-Operator” torui pavunk nam.

Lokan porot “bovall” suru kelo.

Muzgani, anink ek “music-piece”lailo.

Torui “Light-Operator” pavunk nam.

Rokddoch, muzgani tisro “music-piece” lailo.

Lok, muzgank kitea-kiteim mhunnonk laglo.

Muzgani, vazop bondh kelem. 3.55 vazlim.



Kaim lok bejar zaun , vedir voir sorle ani “Director”-ak dhomki diunk lagle.

“Director”-an, tankam khaltikaien somzaile ani apnnem“mike”-acher vochun lokank sanglem, “anink panchuch mintti ravat”.

Lok kossoch aikona zalo.



“Light-Operator”, pavoch nam tem pollloun , “Director”-an , aplea eka karbhareak “light-operate” korunk sanglem , ani tiatr suru kelo.

Tea karbharean , babddean kednanch tachea jivitant , ‘light’-ichem kaam korunk naslem . Punn tea diassak tannem kelem.

Tiatr tossoch zalo.



Tiatr kosso zalo ? Light-Operator “ kiteak pavunk nam ? hacher ami bhasabhas korchinhum.

Punn, hevui ghoddnnentlean amkam anink ek lissaum xikunk mell’lem “ Ek ‘light-man’ passun, eka tiatrak kitlo gorjecho to”. Ani “zorui ek ‘light-man’ tiatrak okosmat pavonam zalear, tiatrache kitle bhognnar zaunk pautat te “.





Mogal bhavano ani bhoinnano,

Ek tiatr, boro zatolo zalear, sogleam kolakaranchi goroz.

“Director” zaum Partist, Kantorist zaum “Musician”, ‘Light-Operator” zaum “Sound-Operator”, “Setting”-laupi zaum ek “machie-karbhari’, vo “driver”, sogleani ekvottan kaam kelear, tea tiatracho dorzo “unch” urta.

Tiatrant, konn vhodd asonam, konn lhan asonam.

Sogleanchi titlich goroz.

Ani amkam tiatristank, amcheam “tiatr-pollloinaranchi” tor, samkich goroz.



Wilmix Wilson Mazarello.



CHOTRAI:- Mogall mhojea “Brestar Podd’dea Fattlean” vachtoleam, bhavam-bhinnano.

Kaim mhojeam , khasgi kamank lagun, hanv fuddle don mhuinem “busy” urtolom.

Mhunnttoch mhaka “Podd’dea Fattlean’-ache , fuddle “ank” borounk, vell mellchona. Borounchi khoxi assa, punn “vell” mellchona.

Tea khatir , tumi mhoji hi “oddchonn”, somzun vhorunk “vinonti”.



Tumcho Ixtt,

Wilmix Wilson Mazarello.

KONKANI TIATR COMPETITION (KALA AKADEMI-GOA)

KONKANI TIATR COMPETITION (KALA AKADEMI-GOA)


TIATRANCHEO SPORDHO FAIDEACHEO ?
- Wilmix Wilson Mazarello


Pomchvis-Vorsam voiruch zalim, amchea Goy serkarachi, Kala Akademi, “Konkani Tiatr Spordha” ghoddun haddtta.

Onduncheai vorsakui, fuddlea mhoineant, mhunnge, Setembrant 2008, hi “Konkani Tiatr Spordha”, zaunchi assa.

He spordhent, fokot serkari “registration” asloleo sounstho, bhag ghetat.

Serkari “registration” nasloleam sounsthank , he spordhent, bhitor ghenant.

Tem toxem kiteak, hem Kala Akademi-ch zannam.



Fokot serkari “registration” asloleach sounsthank zalear passun, amkam, Goy serkarachi, Kala Akademi, itlim vorsam, hi “Konkani Tiatranchi Spordha” ghoddun haddtta, hich ek khoxealkaiechi khobor.



Tiatrancheo spordho, tiatrache udhorgothik boreo..

Sporedhentlean Tiatrancho dorzo sudhorta .

Spordham-vorvim, noveam boroupeank, digdorspeank, nott /nottink, gaupi-kolakarank adi., apli kola, lokam-mukhar haddpak sondh melltta.

Hi ek bori “baazu”, Kala Akademin ghoddun haddlolea “Konkani Tiatr Spordhechi”.



DUSRI BAAZU

Tech porim , hi spordha somptanch , rokddech, amkam “Konkani Tiatr Spordhechi” anik ek “baazu” pollounk melltta.

Ti “baazu” mhullear, nikalla-uprant, vortman potrancher, nikallachi ttika korun”press-notes”, sompadpeak-chitti ani Kala_Akademi-chea odhikaream-kodde zhogddim, legit manddlelim distat.

Henvui, dor-vorsak astach.



Zhogddeanchim karannam :-

a) Homkeach Tiatrak , poilo inam kosso favlo ani kiteak favlo ?

b) Homkeach Tiatrak, “Best Script Award” , kosso favlo ani kiteak?

c) Homkeach Kantoristak, “Best Singer Award”, kosso favlo ani kiteak ?

Osle , kitlech proxnn gheun, kestanvam.



KHOBRO

Kaim lok sangtat , apunn tea kestanvant poddona , torui ruchin “Tiatr-Competition”-ancheo, khobro kortat.

Kosleo khobro?

a) Tiatrist koxech sudhorpache nant.

b) “Kurnattkai” Tiatristancheam rogtant assa.

c) Tiatr Spordhent, inam, hakai dilear fals ani takai dilear fals.

Osleo, anink kitleoch khobro, ak,khea Goy-bhor aikunk mellttat.



SOGLEANK TENCH

Hanvem aikolam, him oslim kestanvam, amcheam Tiatram-Spordhentuch nhum, punn heraim spordhani distat.

Alinch, tech Kala Akademin ghoddun haddlele “Bhajan” spordhecho “nikall” gheun, kitlexech pongodd, Kala Akademi-chea Odheokxak ani Member Secretary-k,”gherao” korunk gel,le mhunn , sogleam vortmaan potrancher khobor, ani tancho fottu legit xapun ail,lo.





KALA AKADEMI CHUKTA

Assum, ami amchich khobor ulounea.

Manun gheunea, amcheam tiatristam-modim thoddi kurnattkai assa.

Punn, hacho , orth osso zaina, ki Kala Akademi korta titleim “sarkem”..

Hacho orth osso zaina, ki Kala Akademi-chea “Judges”-ani dil,lea “nikall”-ant kainch “unnem” nam.

Tiatristanchem sangnnem itlench, ki jeo chuki Kala Akademi-chean sudhraum ieta, teo tori tenni sudhrauncheo.

Apunnn kortat titleim sarkem, mhunn somzun, ugich ravunk zaina.





“JUDGES” UPKARONANT

Mhojean, kitlinxinch udharonnam dium eta.

Sod,deak ekuch ‘udharonn” gheunea.

Nikallacher nixedh marunk, Tiatristanchem sodanch ek “complaint” asta.

Ani mhojeim “complaint” tench.



Tiatr-Competition-ache “Judges”, fokot tiatristuch assunk zai.

Dusre upkaronant.

“English Drama”-cho “Director” zaum,vo Marathi / Konknni Nattkancho Digdorspi, konkani tiatr “judge” korunk, te upkaronant.

Thoddeank goddiek distelem, hanv kitem uloita kai mhunn.

Mhunnttelet, “English Drama-cho ani Marathi / Konknni nattkancho ‘dorzo” konkani tiatram-un “unch’ assa, mhunnttoch, to zago tankam favta..



Torui, hanv mhunnttam, Nam!

Te tiatrank upkaronant.

Kiteak ?



KITEAK UPKARONANT

a) “Spordho” ghoddun haddttat, sabar “tiatram-modim” khuincho boro tiatr to vinchun kaddpak

Nhuim Tiatrancho dorzo” English/ Marathi/ Konknni nattkank, tenkounk.



b) Konkani Tiatrachem ek “khaxeleponn” assa, jem fokot, tiatrancheam Nirmateank / Digdorspeank / Boroupeank / Tiatrantleam Nott ./ Nottinink somzota.

Tem “khaxeleponn”, kaim tiatranchea, chodda-vorsanchea, “audience”-ak legit somzota.

Mhunnttoch, kaim chodda-vorsanche “Tiatr-Polloinar”, legit , bore “judges”, zaum ieta.

Punn, je munis, tiatruch polloina, vo, vorsak “ekuch tiatr” polloita, tankam tem koxench somzopachem nam.



c) Marathi Nattak zaum Konknni Nattak, prekxakank (polloinarank) avoddtolem zalear, tantunt ek bori “kanni” assunk, samkench gorjechem.

Tech porim, English Drama, “audience”-ak avoddtolo zalear, Nott / Nottininchem, borem “performance”, samkench gorjechem.



TIATRANCHEM VEGLLEPONN / KHAXELEPONN

Punn, Konkani Tiatr-ant toxem nasta.

Tiatr, khuinchei eke vostucher, chodd attaplolo nasta.

Tiatr ek “mishronn”, sabar vostunchem.(Kanni, “Performance”, “Comedy”, Kantaram, ani Songit ).

Soglech “podarth’ gorjeche.

Hakach lagun , ami mhunnttam, ‘Konkani Tiatr”-ank “Judges” fokot tiatrancho sombodh aslolech munis upkarta.

Dusre upkaronam.





XIKPACHO ZAGO VEGLLOCH

Zorui ,Kala Akademi-k dista, ki tiatristani, “English Drama”-ntlem vo Marathi / Konknni Nattkantlem, kiteim tori xikchi goroz, zalear tenni xikunk sodhteleank “Theatre-Workshops”, “Seminars”, “Theatre-Classes” adi ghoddun haddum-ieta.

Punn, tancheam munxeank “Tiatr-Spordhent”, “Judges” dourun, kosloch faido zauncho nam.

Velean, dil,lea “Nikall”-ak lagun , titristam-modim “kestanvam”, rochtele.



KONN AIKOTA ?

Osleo anink kitleoxeoch chuki mellttat, Kala Akademin ghoddun haddlolea “Konkani- Tiatr-Competition”-ant.

Heo chuki, hanvem kitlech pautt tanche nodrek haddleat.

Punn konn aikota ?



Kednaim oxem dista ki , Kala Akademi “Tiatr Competition” ghoddun haddtta , fokot titristank ugui dovorpak, nhuim tiatrachea mogan.



KALA AKADEMI, NIBAM SODHTA

Vicharlear, tancho ekuch zabab asta:-

“Apoilear legit, namneche tiatrist, tiatr-spordhent, :’Judge’ raupak, ienant. Apunn ‘busy’ mhunn sangtat” .

Khorench, amche namneche tiatrist “chodd ‘busy’ astat.

Sou mhuinem adinch tanchem, tiatranchem “booking” zal,lem asta.



Hanv mhunnttam, zorui Kala Akademik tanchi goroz zalear, tumii tankam sou mhuinem adim “booking “ korat, anik “komint-komi’, te tiatrant zoddttat titlem tori, tankam farik korat.

Tedna te, jerul etele.



TIATRISTANCHO VALOR NOKOT

Punn hanv zannam , Kala Akademi-chim kamanch, nimnnea vellar.

Toxench, te tiatristanchi ordhi zodd passun, tankam diunk toear aschenant..



Mhaka ugddas zata, kaim vorsam fattim , Kala Akademin, tanchea eka “Clerk”-ak, Ponje saun Margao mhoje kocherint dhaddlo, mhaka “Judge” rau mhunn sangpak.

Tea “”Clerk”-ak hanvem vincharlem , aiz tumkam hanga eupak kitlo khorch zala kai mhunn.

Tannem mhaka sanglem, sogle mellun Rs. 700/-( D.A ani Taxi-chem bhaddem).

Tea uprant hanvem taka vicharlem, zor hanvem “judge” raupak “Hoi” mhunttlem zalear , mhaka, disachea-kontan, tumi kitem farik kortele ? .

To mhaka , sangta, dissak Rs 100/- khuim.



Titlench aikon hanvenui taka sanglem “Hanv pavonam, hanvui ‘busy’”.

Hi, amche “Goychi Kala Akademi”.

Fuddem anik sangchi goroz assa ?



Ho lekh, sompounche-adim, mhaka anik ek mud’deacher uloin xem dista.





“TIATR COMPETITION” KONNA-PASSOT ? KITEA-PASSOT ?

“Konkani Tiatr Competition”, khorench noveam kolakarank, apli kala dakhounk sondh dita kai kitem ?



Mhozo zabab:- “Hoi, punn bhou-thoddeank”.

Bhou-thoddeam noveam nottank ani nottinink (Very Few, Upcoming Actors and Actresses).

“Konkani Tiatr Spordhent” bhag ghetoleanchi volleri, bariksannin polloixi zalear, spoxtt zata ki dor-vorsak , tech-tech Nirmate, Digdorspi, Boroupi, Songitkar, porot-porot distat.



Oxem dista ki, Producer/ Director/ Boroupeancho ek pongodd assa, zo fokot “Kala- Akademi-Competition”-am korta..

Tachea-mukhar, tanchem kainch nam.

Jem kitem boreponn, vo sudhar te machier haddttat, tem fokot, tea dissak pollounk ailolea lokankuch pollounk melltta.

Tea uprant, tem Goyant konnank pollounk mellona.

Mhunnttogoch, te spordhecho, Goychea tiatracher, kosloch probhav poddona.





HEM AIKOCHENAM

Mhaka ugddas assa , hanvem ek pautt, Kala Akademik suchoil’lem, ki Spordhentle poile tin pongoddank tori , eka-eka pongoddak, Goychea eka-eka talukeant 2 proeg korunk launche.

Mhunnge,11 Talukeant sogle mellun 22 proeog.

Team sogleam proeogancho khorch, tankam, Kala Akademin diuncho.

Oxem kelearuch, Goychea lokank, Kala Akademichea tiatr-spordhentleam, tiatrancho “dorzo”, kitlo “unch” assa, to pollounk melltolo.

Toxench , spordhent ji udhorgoth disteli, te udhorgothicho “probhav” vyavasaik tiatrancherui poddpachem xokeo assa.

Tednanch ki amchean mhunnon-ieta, “Kala Akademi Spordhecheim” yogdaan assa, tiatranche udhorgothint.



Wilmix Wilson Mazarello

wilson_mazarello@rediffmail.com


www.goa-world.com - All about Goa and Goans!

ZANK ZANKTTAM

ZANK ZANKTTAM


Zank ani Fank mell’le


Zank: Amge Tiatrist mure, kitea upkarpanu.

Fank: Toxem kiteak mhunnttai tum ?

Zank: Kitea mhunnttam ? Te kitea xiri pottaii ? Ek punn kaam zat tenkodde?

Fank: Koslem kaam zaina tenkoddem ?

Zank: Itu loka “following” ass temkam. Punn kitea xiri potta ? Tenchea-passot, temi kiteim punn korn dovorlam ? Tenge “Fors” ass te baxen, temi serkara aloupacho.

Fank: Tum kitem sangunk sodhtai ? Sarkench sang mure?



BOREM INTENSSAUM



Zank: Choi. Tiatristange ekvott assa ?

Ek “sonstha” ass mhunn aikonk eta, punn te sonsthen, kiteim punn kelo disti potta?

Tiatrak, ekxem pondra vorsam zalim mhunnttai, punn tiatristange “own” Hall assa?

Tiatristange “own”,essai marpa zago assa ?

Tiatristank keslii punn “security” assa?

Fank: Sarkem tujem. Tunvui mhunn boro barik chint’tai mure?

Zank: Chintit mhunnje? Chintich pott tem. Tiatristani amge kola, sonskruti, sambhallea. Tiatristani amge somaza rakhonn kelea, ani sudhraila. Tiatrist amkam zaie.

Fank: Rau re,oddor “Tiatrist kitea xiri pottaii?”, mhunnttalo to tum nhum ?. Ani atam tunch sangtai tiatristani hem kelam, tem kelam, mhunn.



APLEA PASSOT KAIM NAM

Zank: Tum somzlonam mugelem.

Hanv mhunno sodit tem hem.

Tiatristani somaza passot zaitem kelam, punn apleam passot kaim kelona mhunn.

Fank: Anh! Oxem ? Sozmolom, sozmolom.

Atam mhojem aik.

Tiatristani, somaza passot zaitem kelam zalear, atam somazan tanche-passot kiteim tori korunk naka ?

Zank : Tum kit sangonk sodita ?

Fank:- Tenchi zababdari te pallttat.

Amchi zababdari konn pallttolo?

Tiatristank “security”, ami diunk zai.

Tankam “Hall”, ami bandhun diunk zai.

Essai marpacho zago, ami diunk zai.

Zank: Tem, amchean kit korn diupa zata ?



TIATR POLLOINARANCHI ZABABDARI

Fank : Koxem diupak zata ? tancheam-votin ami, tiatr polloinarani, serkarakodden “magnni’ ghalunk zai, tiatristam-passot hem korat, tem korat, mhunn.

Tiatrist apnnachech passot magtole, tacheaun borem lokan tanche passot maglelem.

Oxem tuka dissona ?

Zank: Tugelii mhunn, tokli bori cholta mure?

Fank : Hangach amchem chukta tem. Ami dusreank bottam dakhounk hunxear.

Amchi zababdari ami visortaum. Zorui ami, amchi zababdari vollkol’li zalear, aiz meren, tiatristank kitleoxeoch suvidhaeo mellpacheo.

Zank: Tuem, mhujei dolle ugolle mure.

Fank: Chint, dis-raat mhunnonastana, tiatrist vaurtat.


Aiz Margao zalear faleam Mhapxeam.

Porvam Ponje zalear, ervam Vasco.

Soglem-Goy-bhor, te bhountat, apli kola dakhounk ani amkam koslem tori, somaz sudhraupachem xikxonn diunk.

Itlem korun, magir ghara eun , uprant serkara-kodden suvidhaeo magunk, tenninch zhogoddpachem ?

Zank: Sarkem-re, sarkem tugelem.

Muge matxe chukolem.

Ami, tench-passot zhogddonk zaiem, nhum ?



AMCHEM KAAM TIATRIST KORTAT



Fank: Punn ami, amchi zababdari pallinant mhunn, te kaim ugich rauleat ? Nam !

Alinch, Margao, serkarachem novem “Hall” bandhlam, taka PAI TIATRIST JOAO AGOSTINHO FERNANDES, mhunn nanv dilam. Ti “magnni” konnanchi? Tiatristanchich.

Herui lok vaurla zait. Punn tantunt tiatristancho vhodd “hath” assa.

Zank: Hench mat forem tugelem.Tiatrist, Goychea Mukhel Montreak mellot aslolei, team dissani.

Fank: Dusrem mhunnttlear, tuvem “paper”-ancher vachlam astelem, ki Goy Serkar, TIATR AKADEMI suru korpacho assa mhunn.

Tem zalem zalear, serkar Tiatrancho,dorzo sudhraupak duddu ditolo.

Ani tiatrstankui zaiteo suvidhaieo melltteleo.

Zank:- Voi nhum ?

Fank: Atam ti, Tiatr-Akademi konnank lagun zata ? Tuvem ani hanvem kitem tori kelam, ti “Akademi’ ghoddun haddunk ?

Tovui, titristanchoch “vaur” nhuim ?

Zank: Voi, hench mat sarkem tugelem.



ROMI LIPIEK TIATRIST VAURTA



Fank: Heam dissani, tum khuicheai tiatrak voch. Tiatrist, Romi Lipi zaupak zai mhunn kantaram mhunnttat.

Kaim tiatrist aple “comedy”-ntlean Romi Lipiek tenko ditat.

Zalear, kaim tiatrist, “stage”-ir eun lokank Romi Lipie-voir “bhaxonnam” ditat.

Tor hem soglem, te kiteak kortat ?.

Aiz tancheach, hea vaurak lagun, “Goy-Vidhan-Sobhent”, Amdar / Montri utthleat, Romi Lipiek maniotai mellounk gheupak.

Tor ho soglo, teanch tiatristancho “vaur” nhuim ?

Dubau nam, herui Goykar , ani Sounstho, ap-aple toren hea kamank vaurtat . Pun hea kamant , Tiatristanncho mottho “hath” assa.

Hem konnanchean, “nam” mhunnonk zainam.

Zank: Hench sarkem tugelem.

Fank: Anink sangunk zai ?

Zank: Naka, Naka.

Kollem, kollem maka...

Amge tiatrist, poll’lo bhitor bore vaurotai re.

Fank: Tor porot “Te kitea xiri pottaii” mhunnxi , khobordar.

Zank: Poll’lo bhitor, amgelem chukota nhum ? Ami amge zabadari sambhann’naim.

Fank: Atam koulem mhum ?

Zank : Atam mhak sarkem koll’lem.

Hanv atam, muje bhaxen noko zalo assai, tenk somzaitolom.



TIATR POLLOINARANCHI SOUNSTHA GHODDUNEA



Fank: Ami ,sogleam tiatr polloinnaranchi, ek “Sounstha” ghoddun haddunea.

Amchea tiatristank jeo-jeo suvidhaeo mellunk zai, Tanchi ek “magnni” korun serkarak diunea. Dilench mhunn zaina. Teo mellosor, serkarachea fattik lagunk zai.

Porot porot tankam ugddas korunk zai.

Goroz poddlear, dhomki passun diunk zai.

Kiteak , aiz kaal . dhomki dilea bogor kamam zainant.

Zo konn, tiatristancho khoro valor zannam , to tanche-passot, itlem tori kortoloch.

Zank: Borem, Fank, Dev Borem Korum, tuka. Tuem mujea gineanar uzvadd haddllo.

Fank: Borem Zank, tukai ‘Dev Borem Korum”, ani hi khobor uloununch kabar korchinhuim.

Kitem tori, Tiatristam-passot, korun dakhounea.

Zank: Godnight !

Fank: Dev Bori Sanz Dium.

Wilmix Wilson Mazarello.

AMCHO LOK, AMCHO JIV

AMCHO LOK, AMCHO JIV


MUMBAINT ZALO, MUMBAINT MELO, GOYANT FUL’LO!.


Tiatrancho “itihas” amkam sangta, ki “Konkani Tiatranchi” suruvat zali, 17ver Abrilache, 1892 vorsant, Mumbai xarant.

Punn, 17ver Abrilache,1992 vorsant, Konkani Tiatranchim xembor vorsam, ghonn-ghonnan monoilim, Goy xarant.



Oxem zaupak karann kitem zait ?

Konkani Tiatranchi “Centenary”, teach ghonn-ghonnan, suru zalolea Mumbai xarantuch kiteak monounk zalina gai? Goyant kiteak?



KAARAANN



Karaann, je umedin,Konkani Tiatr, 1892 vorsant Mumbaint suru zal’lo, ani team uprant, sumar anink 90 vorsam meren zo “nett”, Konkani Tiatran dhorlolo, ti “umed” ani to “nett”, tiatranchea xemboravea vorsant (1992),Mumbaint, uronk nam.

“Konkani Tiatr”, Mumbaint , kabar zaunk paula so distalo.

“Konkani Tiatran” aplem tthikannuch Goyant vhelam, oxem dissunk laglelem.



Ani aiz, khorench tem thavem zata.

“Konkani Tiatr”, khorench Mumbaint kabar zalo” , oxem amchean, atam mhunno-ieta.

Jea “xaran’amkam tiatr dilo, teach “xarant”, aiz Konkani Tiatr nam zalo.



Hachim karannam, zaitim assum-ieta.



Mhunnttat, adleam-porim, atam Mumbaiche Goykar tiatrank ienant.

Punn. ietalo toch lok atam ienam zaupak, kitem tori karann assunk zai. Nhuim ?



TIATRIST SANGTA



Karannam sodhunk gelear, tiatristank, zaitim mellttat.

Choddxim karannam, lokamkuch guneaunkar tthoroun.

Zoxe porim:-



1. Mumbaiche Goykar, atam chodd “busy” astat.



2. Mumbaiche Goykar, chodd T.V polloitat.



3. Mumbaiche Goykar, adleam-porim, eka tthikannar nant. Xipoddleat.



4. Mumbaiche Goykar, “English” bhaxe-fattlean dhauntat.

Tankam Konkani-chem poddunk nam.

5. Mumbaiche Goykar, atam Konkanink “support” korinant.



6. Mumbaicheam Goykaranche, nove pillgek Konkani-chi “goroz nam”-xi dista.



7. Mumbaicheam Goykaranche “kudd” (Clubs), atam khali zaleat.

Kuddant ‘member’,nant .

8. “Goykar Tarvotti”, atam “kuddant” ravonant.

Bottir saun denvun, somtech Goyam ietat.

9. Mumbaichi “mhargai”, sonsunk zaina zaun, Goykarani tiatrank vochpachem “bondh” kelam





LOK SANGTA



Punn, kaim teach Mumbai-cheam lokanchem oxem mhunn’nem assa, ki Mumbaint azunui bhorpur Goykar assat, ani tankam azunui, bore Konkani Tiatr polloupachi “ruch” assa.



Ruch assunui, Mumbai-che Goykar, Konkani Tiatrank iena zaupak, “Tiatrist”-uch guneaumkar.

Ani hem sangtana, te karannam ditat , tim oxim:-



1., Mumbai-cheam noveam tiatristankodde, thuincheach, adleam Tiatristani rochlolo, Konkani Tiatrancho “dorzo”, sambhallunk zalonam.

2. Mumbai-cheam noveam tiatristankodde, bore-bore tiatr boroun, lokank , tanchea duddvancho-zaum-vellacho “valor”, diunk zalo nam

3. Mumbai-cheam noveam Tiatristani, borim-borim kantaram, rochun lokank, khuxeal korunk zalenam.

4. Mumbaiche nove tiatrist, novim kantaram rochun haddina zale.

Noveam Tiatr-anii, porninch kantaram, gaupak lagle. Lokank fottounk lagle.

5. Tiatrantlea “songit”-achoi dorzo devunk laglo.



6. Partichi –zaum –kantaranchi, “essai’ sarki marinastana , tiatrist, tiatr korunk lagle.



7. “Direction”, “Lighting”, Setting”, heam gorjecheam bhagancher, nove pillgentle, Mumbaiche Tiatrist, lokx diich nam zale.





TIATRISTANK LISSAUM



Atam , Mumbai-cheam Tiatristancho guneaum vo Mumbai-cheam Lokancho guneaum, hacher bhasabhas korun kosloch faido nam.

Guneaum konnanchoi zaum, Mumbaint Konkani Tiatr “kabar’ zalo.

Hem maat khorem.



Hantuntlean, Goycheam Tiatristank, ek lissaum xikunk melltta.

Tiatrancho soglo “fuddar”, amcheam lokancher attaplolo assa.

Fokot tiatr polloinnaranchean, ho tiatr jivo dourunk zata.

Tiatr polloinnar, zaun assa tiatrancho “jiv”.

Jea dissak, Goychoi “tiatr polloinnar” tiatra-koddcho pois zatolo, tea dissak, Goyant legit “tiatr” mortolo.

Mhunnttoch, lokanchi “tiatranchi-ruch” sambhallpachi zababdari, tiatristancheruch assa..



Jem kitem Mumbaint ghoddlam, tem Goyant goddonk diunchenhuim.

Ho, amcheam Goykaranche apurbaiecho, Konkani Tiatr amkam sodanch zai.



Je ‘arop’, aiz kaim lokan Mumbaicheam Tiatristancher manddleat, te faleam amcher, manddina zaunk, ami atanch kallji gheunk zai.

Konkani Tiatr rakhtole zalear , Konkani Tiatrachem sudharop chaaluch dourunk zai.

Lokank, tancheam “duddvancho-zaum-vellacho “valor”, sodanch diunk vaurunk zai.

Konkani Tiatram-chim,” xembor-vorsam”(Centenary), Goyantuch ghonn-ghonnan monoilelim.

Tech porim, Konkani Tiatranchim “don-xem vorsaim”(Second Centenary), Goyantuch monounk zai.





AMCHO LOK, AMCHO JIV

Tiatranchi “Second Centenary” monoupachi sondhi, amkam tor mellchinam , punnn amche fuddlle pillgek melltteli.

Punn, fuddle pillgekui zalear, melltteli mhunn, ami ugich bossonk favona.

Ami, atancheam Tiatristani, Konkani Tiatranchi “bunyad”, zata titli ghott korun dourunk zai.

Lokank, mhunnge tiatr polloinnarank motint dourun, ti bunyad ghott korunk zai.

Kaaraann, tiatr-polloinnar zaun aassat, Tiatrancho “jiv”.



Tednanch , amche fuddle pillgek, Konkani Tiatrachim , “don-xem vorsam”(Second Centenary), monoupachi sondh mellunk xokta.

Punn, Mumbaicho “onbhov’, sodanch, amcheam dolleam samkar assunk zai.

Nam tor, zosso Mumbaint tiatr kabar zala, tossoch Goyantui kabar zaunk xokta.





Wilmix Wilson Mazarello

wilson_mazarello@...



http://www.goa-world.com/goa/tiatr&tiatrists/

TIATRISTANK LISSAUM

TIATRISTANK LISSAUM

- Wilmix Wilson Mazarello


KHOBOR

August mhoineanche 5ver, 2008, sokallchea vortman potrar (newspaper), poileach panar hanvem tiatrist Minin de Bandar-hancho ˜fottu" polloilo.

Tiatristacho fottu, poileach panar polloun borem dislem, punn thoddea vellan khobor, vachtoch il'lo bejar-so zalom.

Menin de Bandar-ak, Margao Police Station-ar apoilo ani tapoilo ?

Hem anink kitem ?

Kosli sumar kirm adarleli tor tannem ?

Fuddem vachtoch, karann kitem, tem koll,lem.

Karann, tanchea, alinch bhair sorlolea, Amcho Ganv Sambhallat hea tiatrant, eka bhurgea-kolakaran, Goychea Mukhel Montreak tasspachem, kantar gail,lem

Itlench.



POLICE-echi DADAGIRI ?

Tiatrist, apleam kantaranim, amdarank, montreank tor tastach .

Tantunt novem kainch nam.

Tem sodanchench.

Taka lagun, tiatrachea Nirmateak/ Digdorspeak, Police-Thannear apoun haddop?
Hem ani kitem ?

To Goycho Mukhel Montri zaum vo Goycho Governor, lokxaient amchean tankam kaich mhunnonk zaina ? Konn sangta ?

Goyant Freedom of Speech bondh kelea kai kitem ?

Goyant, Purtugez raaj porot ailam, kai kitem ?

Osle, kaim vichar mhojea monant aile.



Mhojean, ugi ravonk zaina zalem.

Hanvem, tednanch Minin de Bandar-ak fon lailo.

Vicharlem, Minin-bab, mhaka sarkench sangxi, kitem zalam tem?.

Tednam Minin de Bandar-an, mhaka sogli khobor, iskuttaun sangli.





MININ DE BANDAR-achem SANGNNEM



Mhaka, kaal sokallim, fonar-fon eunk lagle Margao Police Station-ar saun.

Te, mhaka Police-Station-ar apoitale, punn kiteak tem sangona zale..

Dog zann police hawaldar, mhojea ghara koddei aile, toch rekad gheun.

Kiteak apoila kai mhunn vicharlear, itlench sango, Police Station-ar etoch tuka kolltelem.

Hanvem , mhojea vollkichea, P.I. Edwin Colaco-k, Colva Police-Station-ar fon kelo ani hi khobor sangli.

Tedna tannem mhaka sanglem ki, alinch Margao G.V.N Hall-ant mhozo novo tiatr zalolo, tache babtint ulounk apoila mhunn , ani hanvem, Margao-Police-Station-ar vochon tankam mell'lear borem, mhunnonk laglo.

Tannem toxem sangtoch,hanv, thuim gelom.



Thuim pautanch , hanvem polloilem, Margao Police Station-ar, boroch lok ekttaim zal'lo.

Te konn, ani kiteak aileat, tem mhaka kainch khobor nasli.

Police-Thannear bhitor sortanch, mhaka konnem tori sanglem ki, thuim ekttouleat te sogle Mukhel Montri , Digamber Kamat-anche Supporter, ani tennim mhojer complain kelam mhunnon, ki hanvem mhojea novea tiatrant, eka kolakarak, Mukhel- Montreacher, virudh kantar gaupak lailam anik Mukhel Montreachea putleak suklolea fulancho haar ghalunk laila mhunn.

Hi fott.

Wilmix “bab, tumi zannant, amcheam titrani Producer konnank kantaram rochun dinam.

Zann eklo, ap-aplem kantar gheun eta ani gaita.

Tiatracho poilo proeog zaisor, Producerak khobor passun assona , tachea tiatrant koslim kantaram assant tim.

Tech porim, hanvuim noko zalom, ani azunui noko, karann mhozo, novo tiatr mhunnttoch, hanv heram kamani busy urlom.

Tea bhair, hanvui tiatrant bhumika kortam, mhunnttoch mhaka dusreanchim kantaram pollounk, velluch mellonk nam..



Torui, hanvem tea Police-Inspector-ak sanglem, hanv mhoji zabadari ttallina.

Zorui, hea lokank dista, ki tem kantar, moriadiche xime-bhair assa, zalear hanv tem kantar bondh korunk laitam.

Itlean to vixoi bondh korat.



Punn nam.

Tea Police-Inspector-an , to vixoi bondh korunk nam.

To. velean mhaka sangta,Tum boroun Statement dhi, apnnanchi chuk manun gheta mhunn, ani itlean, tem kantar bondh kortolo mhunn.

Hanvem sanglem, Hanv tumkam mhojem utor ditam, tem puro nhuim?

Police “Inspector kossoch aikona zalo, ani mhojer pressure ghalunk laglo, boroun diich mhunnon.

Aikoch nam, tem polloun, hanvem taka , boroun statement dilo.

Hanv somzolom, itlean tori, soglem somplem mhunn.

Punn nam.

Tea uprant, to Police-Inspector mhaka fuddem sangonk laglo, Faleam tum, kantar gailam, tea bhurgea-kolakarak gheun, Police-Station-ar porot eo, ani tiatrachi Script-ui apnnank haddun dakhoi....

Tedna, hanvem taka sanglem, mhojean tea bhurgeak, tumcho rekad dium eta, punn tannem hanga eunchem vo nam-eunchem, ti zababdari hanv ghenam, tem tacheruch soddttam.

Ani tiatrachi Script, tumkam dakhounche poilim, hanvem mhojea advogadak vicharchem poddttelem.

Itlem sangon hanv ghara gelom.



Minin de Bandar-an, sanglelem soglem aikolea uprant, hanvem tankam, mhojem mot sanglem.



MHOJEM SANGNNEM

1. Minin-bab, tumi tea Police-Inspector-ak , soth sangun, ekdom borem kelem.

2. Tumi, apli zababdari manun ghetli, tenvui borem kelem.

3. Torui, mhoje nodren, mhaka koxem-kitem dista, tem hanv tumkam sangtam:-



a) Tumi Police-Thannear, ekle vochunk favonasle.

Veche adim, eka-dogam tiatristanchii budh ghetleli zalear, borem zaupachem. Vo, tumi tumchea Advogadak sangatak gheun vochpachem.

Tedna to Police-Inspector, tumcher itlem pressure ghalunk, pauncho naslo.



b) Kantarantlean zorui, Mukhel-Montri-ancho opmaan zala, zalear tannench tumkam apoun, uloun, vixoi mittoum etalo.

Supporter-ank Police-Station-ar dhaddun, tannem vaitt kelem.



c) Police-Thannear, complain ailem mhunnttoch, choukoxi korunk Police-echi zababdari zatach.

Tumkam apoile, vicharlem, ani tumi tumchi baazu sangli.

Itlench puro aslem.

Boroun Statement, gheupak, tumi kaim kirm adarlea ?



d) TeaPolice-Inspector-ak kosloch odhikar nam, tumchea tiatrachi Script magunk.

Goyant, azun lokxahi jivi assa. Dhor-eka Goykarak ulounk sothe assa.
(Goa is a Democracy. There is total, freedom of expression here).

Goyant, tiatrank zaum nattkank, censor lagona.

Eka tiatristachean, aplea kantarantlean zaum partintlean, xime- bhitor, konnanchii ttika korum-ieta.

Ti xim tthoroupi Court, nhuim Police.

Tuvem tumchea tiatrachi Script, Police-ek dakhounchi goroz nam.

Aiz, tuvem dakhoili zalear, faleam te sogleam tiatristam-koddchean, Script magtele.

Hadduch mhunn tumcher, pressure ghatlo zalear, tankam sang boroun dhi, mhunn.

Ani magir tem, boroun dil'lem gheun, amchean Serkarak vichar korum-ieta.

Sangatak Advogad mat, vhorunk visornaka.

Itlem sangon hanvem, All the Bestmhunnon, fon dovorlo.



ATTACK

Mogachea mhojea Goykarano, hem jem kitem Minin de Bandar-ak ghoddlam , ti ek vaitt khunna.

Ho, zaun assa, eke torecho attack, Goycheam Tiatrancher, Nattkancher, Potrakarancher, Film ani Television-acher.

Ho, eke torecho attack amche lokxahiecher(democracy), ani amche, ulounche svotontraiecher (Freedom of Speech).

Zorui ami, aiz amche Goyche Police-ek itli sothea dili, zalear faleam te amkam, apnnank zai toxe, utta-boxi kaddunk laitele.

Tea passot, goroz assa ami atanch Police-ek tanchi xim dakhounk.



LISSAUM



Hem, ek mottem lissaum, amkam xikunk melltta, he ghoddnnentlean.

Dusrem lissaum amkam xikunk melltta tem, mhunttlear, Goroz assa Tiatristani ek mozbut ekvott ghoddun haddunk.



Aiz Minin de Bandar-ak ghoddllam, tem faleam heraim tiatristank ghoddon-ieta.

Ekvottan aslear, tiatristank konnaincheanui hath launk zaunchena..

Goychi Police legit, xembor-pautt chint'teli, eka tiatristak Police-Thannear apounche-poilim.



Xekim, nimannem lissaum amkam xikunk melltta tem hem:-



Ami tiatristui, zaite pauttim chuktaum.

Tiatrantlean zaum kantarantlean, konnainchii ttika korta astana, ami ek xim rakhunchi goroz assa.

Oxem kelear, amcheam tiatranchoi, dorzo, unch urtolo.



Wilmix Wilson Mazarello
14/08/2008

PAI TIATRIST KONN? KITEAK?

PAI TIATRIST KONN? KITEAK?

- Wilmix Wilson Mazarello



GOYCHI KHOBOR

July-ache 20 ver (2008), Margao “Ravindra Bhawan” Complex-achi ugttavnni zali , ani Goycho Mukhel Montri, Shri Digamber Kamat-an, thuinchem ‘Hall’,sorgest “Pai Tiatrist Joao Agustinho Fernandes”-ank bhettoilem.


Hi, ek khuxealkaiechi khobor, sogleam Goykarank ani kheritponnim tiatristank.

Kitleanxeach, Konknni Tiatristani, Sounsthani, Goykarani, Goy Serkarak hem magnnem kel’lem ani Shri Digamber Kamat-an tankam utor dil’lem ki, toear zatoch, apunn tea “Hall”-ak “Pai Tiatristachem” nanv ditoloch mhunn.



UTOR RAKHLEM

Aiz, tannem tem utor rakhlem mhunn, amkam khoxi bhogta.

Shri Digamber Kamat-anche, ami upkar attoitaum.

Poilech pautt Goyant, aiz eka serkari-Hall-ak, tiatristachem nanv favlam.

Hacho orth ossoi zata ki , Goycho serkar, Goyant “tiatr-kolakaranchi” ek somudai assa, mhunn,atam, manun gheunk lagla.



AMKAM LISSAUM

Hem manun gheupak , vo, ho maan eka tiatristak mellpak, mukhel karann mhuttllear, lokancho, tiatristancho, sounsthancho “ekvott”.

Ekvottan, eka avazan, maglem mhunnonuch mell’lem.

Zorui “ekvott” naslo, zalear hem, kednanch zaunchem naslem.

Goykarank , ani kheritponnim tiatristank, hem ek vhodd “lissaum”.

Jedna-jedna, Serkarakodde kosloi “hok’k” magtele zalear “Ekvottan”, eka avazan, magchem.

Jerul mellttelem.



KONN PAI? KOSLO PAI?


Zaiteam lokank, chodd korun atanche pillgek, khobor aschinam he “Joao Agustinho Fernandes”, konn ?, ani tankam “Pai Tiatrist” kiteak mhunnttat ?.

Konnem mhaka, ek pautt, vicharlem legit, “Lucasinho Ribeiro’-n konkani tiatr suru kelo, zalear, Joao Agustinho Fernandes , “Pai Tiatrist” kosso zalo,kai mhunn ?

Hech porim,anink eka, mhojea ixttanui fokanddanich mhaka, ek pautt mhunttlem,“ Joao Agustinho “Pai Tiatrist” zalo zalear, “Xapai Tiatrist”-ui asta tor?



Heam, osleam proxnnancher ekuch thavem zata, ki “dubavacho-varo” il’lo nivoll korchi goroz assa.


Poile suvater, sogleani ek zanno zaunchi goroz assa, ki hem “title” :-

1. Shri. Joao Agustinho Fernandes-an, apnnenuch apnnank gheuk nam.

2. Atancheam “tiatristanii”, tem tankam diunk nam.

3. Tankam tem dilem, tednanchea kalla-velea, sogleam tiatristani ani tiatr-polloinnarani.



KITEAK PAI ?

Tor, hem “title” tankam favunk, karann , kitem ?


Amchea sonxodant (Research), amkam oxem melltta :-

Shri Lucasinho Ribeiro-n , “konkani tiatr”-achem “bim” vomplem, hantunt kosloch dubau nam.

Mhunnttoch, Shri Lucasinho Ribeiro zale, “Pioneer of the Konkani Tiatro”.

Hem “soth” , khud, Shri.Joao Agustinho Fernades-an boroun dovorlam.

Vhodda khaltiponnan Shri Joao Agustinho Fernandes , Shri Lucasinho-k, aplo “guru” mhunn, manta.

Shri. Joao Agustinho Fernandes he, Shri. Lucasinho Ribeiro-chea poileach tiatrantle ‘tiatrist kolakar’ (actor).


Hem soglem zanno-zaunui, tednanche tiatrist ani tiatr-polloinnar, Shri.Joao Agustinho Fernades-ank, “Pai Tiatrist” mhunn pacharunk lagle.

Tor kiteak ?

KARANNAM

Hachem karann zanno zaunk ami, tenni dogaini kel’lea vauracher, il’li nodor marchi goroz:-



Shri. Shri. Lucasinho Ribeiro Shri. Joao Agustinho Fernandes



1. Poiloch “Konkani Tiatr” Boroupi Tachea fattlo, “Konkani Tiatr” Boroupi

2. Soglle mellun 4 “Tiatr”, boroil’le Soglle mellun 27 “Tiatr” boroil’le mellttat. mellttat.

3. Sogllech tiatr, “English-Drama”- 4 tiatr soddun, urlele sogle 23 tiatr,

chem. Bhaxantor (translation) tannim khud apnnem boroileat,Goy ani

Goychea somazacher,attaplele tiatr

(Original Scripts)



4. Khud apnnanche tiatr, borounk tozvit. Khud apnnanche tiatr boroile, ani Goy- kelinam . karank, nove tiatr, boroupachi pod’doth

xikoili.



5. Thoddinch vorsam,tiatranchea mollar 30 vorsam tiatranchea mollar vaurle.

urle.



6. Goychem Songit rochunk paulenam. “Original” Goychem songit rochun, tiatrant

haddlem.



7. Konkani kantaram, rochpachi goroz Konkani kantaram rochlim.

poddlinam.



8. Jedna “Setting”, bodolchi goroz poddo, “7 Podd’deancho tiatr” suru kelo

tednam “Dance” vo “English-songs” ani Konkani kantaram (solo,duet, ghali. trio),gaupak lagle.



9. “Tiatr”, pustok rupant xapun haddpachi Aple tiatr, pustok-rupant xapun haddunk goroz poddlina. suru kelem.



10.Ostorechii bhumika,dadleanich keli. Poilech pautt aple ghorkarnink, konkani- machier haddun, “novo itihas” rochlo.



11. Tiatrani, somaz-seva disli nam. Tiatrantlean, Goycho somaz, sudharunk vaurle.



JOAO AGUSTINHO “ZHUZARI”



Shri. Lucasinho Ribeiro-n poiloch konkani tiatr, machier haddunk borech tras kaddle khore, dubau nam, punn Shri Joao Agustinho Fernandes-anchea ,30 vorsanchea tiatristponnant , ek vell oslo ailo , jedna tiatrant “burxeponn” ani “eka-mekak tassop”, suru zalem.



Lok tiatrak vitteunk lagle.

Konkani tiatrancho dorzo soklak poddonk laglo.

Borea ghorabeantle Goykar , tiatrak eupache bondh zale.

Oxem distalem ki, Konkani tiatrak ani fuddar nam.



Shri Joao Agustinho Fernandes, khub niraxi zale.

Poristithi polloun, dukhani roddlle.



Torui, tannem visvas soddlo nam.

Tiatr boroit ravle, ani machier haddit raule.

Tiatristank “xist” (discipline) xikounk lagle.



Akhrek, jikle.

Tiatr sudhorlo.

Pois zal’lo lok, porot tiatrak eunk laglo.



HENCH TEM KARANN



Ho, Shri. Joao Agustiho Fernandes-an kel’lo vaur, tednancheam, sogleam tiatristani ani Goykarani polloilo, ani dekhunuch te , mogan, taka “Pai Tiatrist”, mhunn pacharunk lagle.



Tor ixttano, tumkam dissona , hem “title’ tankam favo mhunn ?



LUCASINHO RIBEIRO, “PIONEER”.



Tech porim, Shri. Lucasinho Ribeiro-k , “Pioneer of the Konkani Tiatr”, hem “title” favo. Tem konnainchean, vhorunk zainam.



Hea fuddem, jedna amcho serkar, dokshinn Goyant, oslem “Hall” bandhtolo,

tedna ami sogleani, ekvottan, serkarakodde magnnem korunea, tea “Hall”-ak

“Shri. Lucasinho Ribeiro, Hall” nanv diunk.

Hivui, amchi sogleanchi, zababdari.


Wlmix Wilson Mazarello

www.goa-world.com/goa/tiatr
Gulf-Goans e-Newsletter
http://www.yahoogroups.com/group/gulf-goans/

Mhoje, dha-vorsanche dhuvek, tiatrant? Kitle farik kortoloi?

Mhoje, dha-vorsanche dhuvek, tiatrant? Kitle farik kortoloi?

- Wilmix Wilson Mazarello


Alinch, mhunnge sat-att dis fattim, hanv T.V-cher “News” polloitana, tennim dakhoilo, ek “Child Welfare Group” zo virodh kortalo, team “T.V Programme”-ancher, zantunt bhurgeanche nach ani bhurgeancheo “nachpacheo- spordha” (Dance-Competitions) dakhoitat.

Tanchem mhunn’nem oxem, ki he “T.V-Programme”, lhan bhurgeank nachpachea kamank laitat, ani tankam tea nachpachea kamanchi, mozuri farik kortat.

Duddvanche axen, heam bhurgeancho maim-pai tankam, team “T.V. Programme”-ant nachonk dhaddttat.

Khorem mhullear, tanchean toxem korunk zaina.

Hem kaideacher add.

Amchea Bharat-Deshache ghottnent, ek kaido assa, “Lhan bhurgeank kamank launk zaina”.

Inglezint, hea kaideak mhunnttat, “Prevention of Child Labour”.

Tea khatir , hea “Child Welfare Group”-achem, magnnem , ki he osle “programme” dakhoitat team “channel”-ancher, Serkaran “bondi haddchi” (Should be banned).

Ho “Child Welfare Group” fuddem sangta, ki duddvanche axen, maim-pai, apleam bhurgeank, iskol xikpache piraer, T.V-cher nachunk dhaddttat ani tancho fuddar pisuddttat.





Zorui hem khorem, zalear hea “Child Welfare Group”-an paul marlam, tem amche fuddle pillgechem, borench chintun.

Punn he khorem, kai ?



Kaal, (22 July 2008, tarker) hanvem, Goychea “Herald” disallear, ek “Sompadpeak-Chtt” vachli (Tiatrs Negative Side). Ti chitt boroupi Ms. Joyce D’Souza (Alto Porvorim).

Ti sangta ki, oslem aiz-kaal, kaim tiatranii ghoddtta.

Mhunnge, kaim Goykar maim-pai apleam lhan-bhurgeank, duddvanche axen, tiatrant bhumika korunk, vo kantaram gaupak dhaddttat.

Haka lagun kaim lhan-bhurgeanchem, iskol legit piddear zata.

Hem khorem? Amcheam tiatrani, oxem ghoddtta? Oxem zaum eta?



“Newspaper”-ant, osleo khobro eunk lagleo mhunntoch , il’li choukoxi tor korchich poddli nam?



Mhunntoch, aizcho ho Lekh ( Podd’dea Fattlean-18 ) hanv bhettoitam , amcheam lhan Goykar bhurgeank, jim tiatrani bhumika kortat / kantaram gaitat/ nachtat.



Bhurgeank tiatrant haddop, hem sarkem nhuim ?

Tor kiteak ?

Zorui, ami amcheam bhurgeank, apli “kola” vaprunk sondh dinant, zalear dusro konn ditolo?

Zorui ami, lhanponnim saun, amcheam bhurgeank Tiatracho “mog” dakhoinant, zalear anink kedna dakhoiteleaum?

Zalear, lhanponninch saun bhurgeank tiatrant haddlear, kitem vaitt?



Ami, lhan bhurgeanche “kolek”patthimbo ditaum.

Ti, Devan dil’li “rochnnik kola” (Creative Art). Ti, somazache nodren ‘nitoll’ kola .

Zalear , amcheam lhan-bhurgeank kiteak xikounchi nhuim ?



Ami lhanponnich saun amcheam bhurgeancheam kallzani, amche maim-bhaxecho, konkanicho, mog rigoitaum.

Hantunt kitem vaitt? Amchem kiteim chuklam?



Torui, bariksannin choukoxi kelea uprant,kaim “sotham” amche nodrek etat , tancher ami tiatristani, toxench bhurgeancheam avoi-bapain, niall korchi goroz assa.

“Soth” munxeakullak, sodanch koddu, torui sangchi goroz.

Ani, team sothantlean, amkam amcheo “chuki” vollkunk melltta, zalear teo “chuki” kiteak sudhrauncheo nhuim?



Choukoxentlean, kaim “sotham”, amche nodrek etat tim him:-



1. Goyant azunui, ekui, bore manndavollin ghoddun haddlelem, kaideam-nemam pormonnem choltelem, kherit bhurgeam-khatir “Nattya-Ghor” (Children’s Theatre), nam.

Ani , manddavoll, kaide-nem naslelim “Nattya-Ghoram”, bhurgeank vaitt.



.2. Kaim Goyche, Tiatr Nirmate (Producers), kednaim, bhugeam-kolakarank gheun, Tiatr machier haddttat .

Hem pollounk / aikunk, borem dista.

Punn bhurgeank, kel’lea kamanchi “mozuri” dili zalear, tem “Child-Labour” zata, ani kaideacher add.

Bhurgeanche kolek “patthimbo”(backing) divop ek, ani mozuri diun kaam korun ghevop, vegllench.

Dusrem, bhurgim “suttient” (Vacations)’ astana, tankam tiatrant sondhi-divop ek, ani iskolam chaalu astana, tancher tiatrancho bhar ghalop, hem vegllench.

Aitarak, vo “Public –Holiday”-ik, legit , bhurgeani kel’leam tiatrancho, xikpacher vaitt probhav poddlolo dista.



3. Choddxeam, lhan bhurgeanche avoi-bapui aplea bhurgeank, duddvanche axenuch , tiatrank dhaddttat, nhuim tanchi kola uzvaddak haddunk.

(Bhou thodde avoi-bapui assot, je fokot aplea bhurgeanche kole-chem chintun dhaddtta zait).



4. Aiz meren, jitliim bhurguim jim tiatrani nestat, tanchea sogleanchea xikpacher, kednaim tori vaitt probhav poddlach.

(Ek vo don bhurguim assum-iet, zannim kotthinai sonsun, xikopui sambhall’lam).



5. Aiz meren jitlei, bhurgeam-kolakaranche tiatr zaleat, tantunle choddan-chodd tiatr , dhondea-khatiruch (commercial).

Te nhuim, bhurgeanchi kola uzvaddaunk.

(Ek vo don tiatr, lhan-bhurgeanche kole-chem chintun, assum-iet.)



6. Kaim osleam bhurguim-kolakar asleleam tiatrani, bhurgeank “pop-stars” mhunn dakhouncho proitn legit kela.

Bhurgeanchi nanvam, “photo”, gaitelea-kantaranchim nanvam, ghalun, potrancher / ”handbill”-ancher jahirati legit dileat.

.Hacher te nirmate, samkech “Prevention of Child Labour” hea kaideachea chopkeak, sampddunk xoktat.



7. Kaim, Tiatrist Nirmateani, lhan-bhurgea-kolakarank , vedir ‘Cash-Prizes” ani “Awards”,diupachi sonvoim kelea. Hacho, bhurgeancher vaitt-porinnam zal’lo dista. (psychological).



8. Zaite pauttim, “audience”-ak hansoupa khatir, lhan-bhurgeank osle sonvad vo kantaram gaupak ditat, jim tankam sobonant, ani zache vorvim, tiatr pollounk ail’leam, heram, lhan-bhurgeancher, vaitt probhav poddtta.



9. Kitlinxinch udharonnam assat, zuim lhan-bhurguim, chodduch tiatrani dissunk lagleant, tanchem xikpacher monuch lagona.

Torui duddvanche axen tancho maim-pai tankam tiatrani dhaddit assat.



10..Kitlixinch bhurguim–kolakar, tiatranchi “thokann”(tiredness) sonsunk zaina-zaun, tiatr choltastana legit nidhtat. Kaim zannam, duvent legit poddttat.



11. Xevttak, oxeim dissun eta, ki kaim avoi-bapui, apnnank vell nam zaun , apleam lhan-bhurgeank , tiatra-vellar konnaincheai tabeant soddttat.

Uprant roddttat.

Hi samkich bhirantichi gozal (Avoi-Bapaiano barik chintat).



Choukoxent, amkam anik ek mell’lam, ki hantunt, poilo guneanvkari, bhurgeancho maim-pai, nhuim nirmato, vo anink konn.



He choukoxentlean, samkem spoxtt zalam ki , “professional /commercial” tiatr, lhan-bhurgeank nhuinch.

Hi osli onit, amchea Tiatr machieruch, vo nattak-machieruch cholta, oxem nhuim.

Hi onit , soglech kodden cholta, zuim llhan-bhurgeank, duddu-zoddunk kaam korchem poddtta.



Hem chodduch dissunk laglam, alincheam, Hindi “T.V.Programme”-ancher.

Hakach lagun te “Child Welfare Group”, virodh korunk lagleat.



Amcheai Konkani tiatrani, hem alinchea kallar dissunk laglam zaum-iet.

Teach passot Ms.Joyce D’Souza, he bore ostoren, amche dolle ugddunk ti chitt, “Herald” nemalleacher boroilea zait.



“Vell astana paul marchem, uprant, goddiek, paul marunk vell mellchona”.

Amche dolle ugoddtolea, Ms. Joyce D’Souzak , porbim favo.



Ho lekh sompoitana, mhojem itlench sangnnem, avoi-bapaiank:-

Lhan-bhurgeank, Konkani-Tiatrant dhaddttai? dhadd, punn:-



a) Fokot “Iskolache-Suttient" ( Only during, School-Vacations ).



b) Duddvanche axen, lhan bhurgeank tiatrist korun, tanchem xikop piddear kornakat.



c) Tiatrant dhaddloleam bhurgeam-sangathak, sogllo vell, tanchi avoi, nam tor bapui, sangathak assunk, gorjechem.

.

d) Tiatrachi ‘kola’, amgant aslolea bhurgeank, Goyant “Acting-Classes / Singing Classes / Dancing Classes, adi. assat. Thuimsorui choukoxi kelear, vaitt nhuim.



Sangpachem hanvem sanglem. Urlolem Avoi-Bapaichea hatant !





Wilmix Wilson Mazarello

http://www.goa-world.com/goa/tiatr/

http://www.esnips.com/web/WilmixSharonsSongs

http://youtube.com/watch?v=RCCWt1-7XOQ

Police! Police! Police! Police! Police! Police! Police!

Police! Police! Police! Police! Police! Police! Police!



ADLEA KALLAR


Ek kall osso also, jedna Goyant , tiatr fokot “Novembr”-mhoineant suru zaun, “Mai”-mhoinom-meren, choltale.

Tantuntui, “Mars”-“Abril”-ant , korezmanchea kallar, tiatr bondh dovortale.

Pausant (“June” tem “Outumbr”) tor, tiatr zaiich nasle.

Punn atam, kall bodol’la.

Konkani tiatr, voros-bhor zatat.

Korezmant, “dhormik-tiatr” zatat, ani pausant sogleaun chodd, nove tiatr, bhair sortat.







http://www.goa-world.com/goa/tiatr&tiatrist/p98_99.htm



HEA PAUSALLEANT



Hea pausant, (2008), kitlexech, nove tiatr bhair sorle.

Tiatranchi “lutt”, mhullear zata.

Vhoddle Nirmate/ Digdorspi (Producer / Director ) aslet, he “luttint”.

Tiatrancheam, vaag-xinvanchem “gher” koxem, mhullear zata.

Tor, konn jiklo ani konn harlo zait, hea gherant ?

Konn tori jiklo ani konn tori harlo, dubau nam..

Soglech kaim jikom-ieta ?





“JIKOP” MHUNNGE KITEM ?



Ani, “jikop” mhunnge , tacho orth osso nhuim, ki konnancho tiatr “boro” aslo ani konnancho “vaitt”.

Kednaim oxeim zaum-ieta.

Soglech tiatr bore astat , torui “lok” thoddeanch tiatrank, “voddtta”.

Luttint kednaim, ek tiatr boro assunuim, lokank pollounk mellona.

“Jikop” mhunnge, konnancho tiatr “chol’lo”.

Khuinchea tiatrache, chodd proeog zale, vo khuimcho tiatr chodda-lokan polloilo.



“REVIEW” NHUIM , PUNN ZABABDARI.



Hanv, tiatrancher “Review ‘ kednanch boroina.

Hachem karann itlench, amcheam tiatristank, “ekleak” boro mhunttlear “dusreak” raag eta.

Torui, jedna eka tiatrak samkoch, hispa-bhair, “lok” voddtta ani polloiloloch lok, porot pollounk eta , tedna amchi sogleanchi “zababdari” zata, zanno-zaunk, oxem ghoddpachim “karannam”.

Kitem-sumar assa tem, tea tiatrant, jem lokank itlem avoddtta, ani lok porot-porot, to tiatr pollounk veta.





“P O L I C E”



Gelea “season”-ant, “POLICE” nanvancho tiatr, bhair sorlolo ani nettan chol’lolo.

Lok, porot-porot, to tiatr pollounk vetalo.

Itlench nhuim , boro “cholta” mhunnon, Producer-an to porot, pausant-ui chaalu dovorlo, ani sangpachem mhullear , pausant-ui teach “POLICE” tiatrak, chodd “lok” voddonk laglo.

Orxim, amcho lok, eka “season”-antlo tiatr , dusrea “season”-ant dakhoilo zalear, rokddoch “porno” mhunn bob martat , ani tiatr pollounk ienant.

Punn “POLICE”-ek, toxem zaunk nam.

“POLICE”-en, pausant bhair-sorlolea, noveam tiatrank, legit “tension” dilem.

Porbim favo, tea tiatrak, boroupi/digdorspeak, ani tachea pongddak.



http://farm4.static.flickr.com/3054/2573693092_eb9ff9506f.jpg?v=0



KITEM ASSA “POLICE”-ent ?



Hanv, orxim, sompeponnin tiatr pollounk vochonam.

Punn, “POLICE”- tiatracho itlo avaaz zal’lo ani to tiatr, unnem-xembor proeogank tenklolo, mhunttoch hanvem vechench poddlem.

Pollounea mhunttlem , kitem sumar assa tem, tea tiatrant.

Polloilea uprant, sangpachem mhullear, “mhakai tiatr boro laglo”.

Khorench, tea tiatrak “lok” zaupak, karann assa.





KARANNAM



Ek tiatr boro “cholonk”, zaitinch karannam astat.

Kednaim tiatr, borea “boroupacher” cholta , zalear kednaim “actor”-ani borem-kaam kel’lea karannank, cholta.

Kednaim tiatr, borea kantarancher cholta, zalear kednaim bore “comedy”-cher cholta.

Ek tiatr, boro cholonk, borem “setting”, borem “lighting”, borem “music”, hancheim mohotvachem “yogdaan” (contribution) asta.



http://farm4.static.flickr.com/3054/2573693092_eb9ff9506f.jpg?v=0



“POLICE”-tiatr, lokank tor avoddloch , hatunt dubau nam.

Mhakai avoddlo.

Torui, lokank hea tiatrantlem, “kitem-kitem avoddlam”, ani “kitlem avoddlam” , hacher hanvem kaim tiatr polloinnaranchiim motam vincharlim.

Tanchem “mot” kitem, tem hanv hanga, ek ‘mark-sheet’ koxi, tumchea mukhar dovortam :-



“ POLICE ” (Mark-Sheet)



1. Tiatrachem “Borovop”...........................................8/10*

2. Tiatrachem “Direction”..........................................7/10

3. Kolakaranchem “Acting”.......................................7/10

4. Tiatrantli “Comedy”...............................................5/10

5. Tiatrantlem “Music”...............................................5/10

6. Tiatrantlem “Lighting”...........................................5/10

7. Tiatranle “Sound-Effect”........................................6/10

8. Tiatrantli “Machie-Maddavoll”..............................5/10

9. Tiatrantlim “Kantaram”..........................................4/10






RESULT



Voir, dakholl zata, ki choddan-chodd kodden, “POLICE”-tiatrak, 5/10 vo tachea-voir “marks’ poddleat,

Mhunnttoch, thavem zata ki sogleaninch ap-aplem kaam, bore-toren nibhailam.



Sogleaun-chodd “marks” poddleat, “Boroupak”*(8/10).

Mhunntoch, thavem zata ki tiatr boro boroila, ani tiatrachea vixoeak laagu zatat, te soglech mud’de bore toren, vo favo te toren, borpavollint haddleat.

Hench zaun assa “mukhel-karann”, “POLICE”-ek lokan vengounk.



Police! Police! Police! Police! Police! Police! Police!





Wilmix Wilson Mazarello

http://www.goa-world.com/goa/tiatr/

http://www.esnips.com/web/WilmixSharonsSongs

http://youtube.com/watch?v=RCCWt1-7XOQ



Goans in Kuwait electrified by Police: An F.I.R

-by gasper crasto


http://groups.yahoo.com/group/gulf-goans/message/19718




For more photos of POLICE click: http://picasaweb.google.com/rafacrasto/POLICE/photo#s5211967982003656642

Mhoji Dhuv Tiatrant? Na re Baba Na!

Mhoji Dhuv Tiatrant? Na re Baba Na!



ITIHAS

Konkani-Tiatrachea itihasant ,ek kall oslo aslo , jedna “Tiatr-Machier” , cheddvam / bailo disoch nasleo.

Tedna “Tiatr” fokot cheddeam / dadleanche.

Ostoreancheo bhumikeoi, vistid / kapodd nesson, dadlech kori.

1904 vorsant, Pai Tiatrist (Joao Agustinho Fernandes) hannem, poilech pautt aple ghorkarnink , ( Regina Fernandes ) hika, aplea “Bhattkara “ hea tiatrant bhumika korunk haddli, ani ek novo “itihas” ghoddlo.

Smt. Regina Fernandes, hi poilich ostori, Konkani Tiatrant, bhumika korunk.

Tichea fatta-fatt, Konkani machier ailim, Carmelina Fernandes, N.Gomes, Luiza Maria Colaco adi adi adi..



Punn heam ostoreani Tiatristponn apli vyavasai (profession) koxi dhorunk nam. Mhunnge, ek don vo tin tiatr kelea uprant , tim porot tiatrani dissunk nant.

Orxiim zalear tedna, vyavasaik tiatristponn (professionalism) naslench.

Karaann tiatrant, “zodd” nasli.

Goykar “tiatr”, fokot aple bhaxechea ani kole / sounskrutichea moga khatir, kortale.

Khub vorsam uprant, Konkani Tiatrant , vyavasaik tiatristponn (professionalism) dissunk laglem.

Tednancheam, “ostori- tiatristam” modem , choddan-chodd tiatr kele, Miss Carlota D’Souza hinnem.

Torui, ticho vaur, “vyavasaik-tiatristponn”, oxem mhunnonk zaina.

Tichoi vaur, konkani bhaxechea ani kole / sounskrutichea moga khatiruch mhunno-ieta, karaann tednaim tiatrant, “zodd” nasli.

Tiatrantle “zoddin”, ghorcho khorch cholounk, zainaslem.



VYAVASAIK TIATRISTPONN (OSTOREANK)



Sumaran, 1950 vorsant, Shri C.Alvares-an, poilech pautt, ostoream-khatir “vyavasaik –tiatristpon”, rochlem.

Zorui tednaim, cheddvanche maim-pai, apleam dhuvank tiatrant dhaddunk fattim soro, torui Shri C. Alvares-san, tankam porxim bhettun, somzailim.

Khud apnnancher, zababdari gheun , tannem cheddvank tiatrant haddpak, suru kelem.



Jedna, Shalini Mardolkar, hika C.Alvares-an, poilech pautt konkani tiatrant haddli , tedna saun, ostoreank “vyvasaik-tiatristponn” suru zalem, oxem amchean mhunno-ieta.

Ostoreank, tiatrant kaam kel’lea kaamanchi, “mozuri” mellunk lagli.

Tednanchi ti ‘zodd” vhoddli nassot, torui “vyavasaik-vaurachi-mozuri” mhunnpa-sarki asli, mhunno-ieta.

Ms. Shalini Mardolkar-an, borinch vorsam Konkani Tiatrani kaam kelem.

Tichea fatto-fatt ,”vyavasaik-tiatristponn” vengoilem Ms. Mohana Cabral, Ms. Cecilia Machado, Ms. Ophelia Cabral, Ms. Philomena Braz, Ms. Carmen Rose, Ms. Mary Vaz ,Ms. Antonnette D’Souza, Ms Jessie Dias, Ms Betty Ferns. Ms. Sabina adi adi adi., heam ostoreani.

Aiz , “vyavasaik-tiatristponn”-anchea mollar, komint-komi, 50 tori cheddvam / bailo assat.



ONBHOV

Tor heam ostoreancho, “tiatr-vatavoronn”-antlo onbhov, kosso kitem assot ?

Heo ostoreo, tiatr-vatavoronn’-ant , khuxeal assat kai nam ?

Heo ostoreo “tiatr-vatavoronn”-ant, surokxit assat kai nam ?

Heam ostoreank, “tiatr-vatavoronn’-ant, somazacho “respeid-maan” ani favo titli, kel’lea vaurachi, “mozuri”,melltta kai nam ?

Heam proxnnanche sarke zabab, amkam, team “vyavasaik –tiatristponn” apnnailolea, ostoreanmcheaninch, dium-ieta.

Konnem tori tankam vincharlam ? Vicharlear tim jerul, sarki khobor, sangtelim.

Jea-jea gorabeant, ek tori “cheddum-tiatrist” assa, tankam hache-voir, purai mahiti astelich.



MHOZO ONBHOV



Mhojea, unnem 40 vorsanchea “vyavasaik-tiatrisponn”-ant, hanvem jem kitem dekhlam ani onbhovlam, tantuntlean, aiz hanv hanga, voileam ek–ek proxnnanche zabab diunk proitn kortam.



Poilo Proxnn :- “Tiatrist-Ostoreo” (Cheddvam / Bailo ), khuxeal assat kai nam ?



Zabab:- Tiatr-antleo ostoreo, cheddvam zaum bailo, khoxen tiatrant kaam kortat.

Tankam, aplea angantli, Devan dil’li “kola”, lokam-samkar dakhounk sondh melltta.

Tiatr-polloinnar, tancho vaur polloun, takam xabaski ditat.

Kaim lok, tanchea borea vaurak “Inamaim” bhettoitat.

Potrakaar, tanchi tokhnai korun “vortaman–potrancher” boroitat.

Choddxe tiatranche pongodd, don vorsant ek pautt tori, Dubai, Bahrain, Kuwait,Qatar, U.K, osleam “Desh”-anche bhounddek veta.

Mhunnttogoch, kolakaranchea nimitan “tiatrist-ostoreank”-ui, he ‘Desh”, pollounk mellttat.

Goyantui, tiatranche proeog zatolea ganvant, vochun porot eupachi sogli toeari, Nirmatean, aplea khustar kel’li asta.

Kolakarank, kosloch khorch korpachi goroz poddona.

Jenvnnachea vellar, proegak bhair sorle zalear vo jenvnnank, porot-ghora paupachi xokeo nam zalear, Nirmato aplea khustar jenvonnui dita.

Proeogachea sthanar, Cheddvam / Bailank, bospachi / nhespachi, suvat legit, vegllich asta.

Tor anink kitem zai ?

“Tiatrist–Ostoreo’ kiteak khuxeal ascheonam ?



Dusro Proxnn:- “Tiatrist–Ostoreo”, surokxit assat kai nam ?



Zabab:- Noveam tiatristank , poili xikounn mhullear “xist-sambhallop”.

“Tiatr–Vatavoronn”-ant sogloch “pongodd” ektthaim asta .

Ostoreank, bospak / nhespak veglli suvat dili zalearui, sogllo vell, tim Niramteache / Digdorpeache, nodrent astach.

Soglle Nirmate / Digdorspi, hi apli zabadari sambhalltta.

Pongddantleank , zaum bhaileank, konnank kitench naka-zal’lem korunk, sondh mellona.

Soglle kolakar, zaum her karbari, ap-aplea, dil’lea kamant, “busy” astat.

Dusrem kitench korunk, thuim vell nasta.

Tor, hacheaki surokxit vatavoronn, “tiatrist-ostoreank”, koslem mellum-iet ?



XIDDKAUNNI

Nirmateanchi / Digdorspeanchi, ek matr xiddkaunni “Tiatrist-Ostoreank’, ratchem ghara portotana, tanche vangdda konn tori tanchea ghorcho assunk zai, karann , Nirmateachi zabadari, pongoddak “City-Center” meren pavoupachi.

Thuim tanchi zababdari sompta.

Thuinchean, zonn eklean, ap-aplea ghora vospachi, bondobost korunk zai.



Tisro Proxnn:- “Tiatrist-Ostoreank”, somaza-koddchean favo titlo “respeid-maan”, melltta kai nam?



Zabab:- Respeid-Maan melltach. Kosloch dubau nam.

Jitlo “respeid-maan” tiatrist dadleank melltta , titloch “respeid-maan” “tiarist-ostoreankui melltta.

Tiatr-polloinnar-anche nodren “tiatrist-ostoreanchi” kola borich unch.

Team kolakarank respeid-man favo, ani to respeid-maan, te tankam ditat.

Goy-Serkaranui, sondh mell’lele pauttim, kitlexeach “Tiatrist-ostoreancho” bhoumaan kela.

Gel’lea vorsant poilech pautt, Goy serkarachea , Kola–Sounskruti Vibhagan, eke Ostorek ‘Goa State Cultural Award”legit dila (Smt. Jessie Dias).

Tor, ho tiatrist-ostoreank, “respeid-maan” nhuim? Zalear kitem?



Chouto Proxnn:- Tiatrist-Ostoreank , kel’lea vaurak, favo titli “mozuri” melltta kai nam ?



Zabab:- Noveam, “Tiatrist-ostoreank”, dor-eka proeogak Rs. 500/- mellttat.

Choddxea “Tiatr-pongoddanche” , mhoineank, komint-komi 15 tori proeog zatat.

Mhunnttogoch, noveam “tiatrist–ostoreanchi”, mhuineanchi, komint-komi “zodd” oxi zata :-

Rs.500/- x 15 = Rs. 7500/- ( Sadde-Saat Hozar, Rupea).

Hi, “zodd”, noveanch “tiatrist-ostoreank”, unnem kai kitem?

Tuminch tthorounchem.



KED”DEM VHODDLEM BHAAG

Kaim 50 vorsam fattim, khuincheai cheddvacho bapui, khorench mhunnttolo also, “Mhoji Dhuv Tiatrant ? Nam re Baba Nam !”

Goddiek, heavui kallar, kaim tosle bapui assot.

Churchure tanche! Te kitem uloitat tem , tech nokot.

Tiatranchi, sarki mahiti aslolo bapui, oxem kednanch ulouncho nam.

Velean, to mhunnttolo:-

“Mhoji Dhuv Tiatrant ? Hem mhaka, ked’dem vhoddlem Bhaag.”



Wilmix Wilson Mazarello

Tiatr-anche “Review”

Tiatr-anche “Review”

REVIEW



Eka nemalleacho potrakaar (Daily-Newspaper Reporter) “Tiatr” pollounk veta, ani tiatr polloilea uprant tea tiatra-voir aplo “Review” boroita .

Tiatr boro laglo zalear, to, tea tiatrachi bori khobor boroita, ani tiatr boro lagunk nam zalear, to, tea tiatrantleo chuki, nemalleacher xapun haddtta.

Vachpeank magir nemalleantlean, tea tiatrachi sarki mahiti mellta, ani vachun lok, to tiatr pollouncho von nam pollouncho, hacher nirnnoi gheta.



Hem sarkem. Oxench zaunk zai. Oxem tumkam dissona ?



BOREAK VAITT



Punn aiz kaal , hea amchea somazant, urfattench zal’lem dista.

Mhunnge. kednaim borea tiatracho, vaitt “Review” xapun eta , ani eka vaitt tiatracho,

boro “Review “ xapun eta.

Oxem zaupak, sabar karaannam astat.

Vaitt “review” boroupak, poilem karaann mhullear, to potrakaar tea Nirmateacher / Digdorspeacher / Tiatr Boroupeacher , koslo tori raag kaddtta.

Mud’dom tea tiatrachi vaitt khobor posraita.

Mhunnge, lokan to tiatr pollounk vechenhuim, oslem vatavoronn, to nirmann korta.

Tacho hetu osso, ki Nirmato / Digdorspi / Tiatr boroupi luskonnant poddcho.



Kitlem vaitt chintop hea potrakaarachem . Nhuim ?



Mud’dom vaitt “Review “ boroupak, dusrem karaann oxeim zaum eta, ki konnem tori kurnattkaien, tea potrakaarak , duddu vo sagvadi diun, mud’dom nemalleacher oxem borounk laila.



“Bhikreank bhikreanchi nossai” mhunnttat, tosleanchim kama him.

Vo, heo Goycheo “kurleoch” (Crabs) mhunnlear zata.

Apunnui voir sorchenam ani dusreankui voir soronk diunche nam.



VAITTAK BORO



Tech porim , eka vaitt tiatracho, boro “Review” boroupachim karannam mhullear, Potrakaar, Nirmateacho / Digdorspeacho / Tiatr Boroupeacho ixtt, vo borem dekhnar.

To tiatr,magir kitloi vaitt assum , potrakaar tea tiatrachi borich khobor boroita,

Mhunnge, vachpeani tem borop vachchem ani to tiatr pollounk vechem,

Nirmateacho dhondo, vaddcho.

Vaitt vost, bori mhunn khopchi..

Potrakaarak ,hem oslem fottingponn boroupak duddui mellta astole

Punn, hem chintop oxir monancheam munxeanchem. Tiatr polloilea uprant tori, lokank, to tiatr kitlo vaitt tem kolltolench.

Ek vaitt vost bori mhunn sangun , lokank kitlo vell fottoum eta ?



Aiz na faleam sarki khobor bhair poddttach.



TIATRISTANCHEM MOT . 1



Hea vixoeacher, tiatristam-modem kitlech pautt, bhasabhas zalea.

“Review” kosle asche?

Eke vatten.kaim tiatristanchem mot , oxem ki potrakaarani tiatracho sarkoch “Review” borouncho.

Mhunnge, khorench tiatr boro, zalear boroch “review” borounchem, ani tiatr vaitt zalear, vaittuch “review” borounchem.



Lokank fottounchem nhuim.



TIATRISTANCHEM MOT. 2



Dusre vatten, kaim tiatristanchem mot oxem assa, ki :- “Aiz kall Tiatrist ek novo tiatr bhair kaddtta astana tankam boroch khorch zata. Tankam serkaracho vo konnachoi kosloch adar mellona. Tedna, tea tiatracho, nemalleant vaitt “review” xapun haddop mhunnge, tea Nirmateak samkoch kabar korpa sarkem, paul”

Potrakaarak khorench tiatr boro lagunk nam zalear legit, tannem “Review”-uch boroinastanam rauta, titlem chodd borem.

Mhunnge potrakaarachean, Nirmateak, faideachem kainch korunk zaina zalear, luskonn tori korchenhuim.



Chintlear , henvuim sarkem xem dita.



UDHARONN



Ek oslem udharon , samkench mhojea dolleam samkar eta tem hem :-

Kaim vorsam fattim, sorgest “Prem Kumar” aplo ek novo tiatr gheun Mumbai saun Goyant ailolo.Tiatrant bori “machi-manddavoll” korunk tannem khub khorch kelolo. Tiatr, Goyant suru zata thuinch assa , konnem tori eka potrakaaran tea tiatracher samkoch vaitt “Review” boroilo.

Tea “Review”-acho porinnam osso zalo, ki lok tiatr pollounk , kossoch iena zalo ani Shri Prem Kumar-ak tedna, borench luskonn bhogchem poddlem.

Aikolam, Shri Prem Kumar –an uprant, tea nemalleache kocherint vochon, borench vhoddlem zhogddem manddlem mhunn.

Nemalleachea Dhonian, apli chuk manun ghetli khuim.

Punn tiatrak ani Shri Prem Kumarak luskonn zalem tem zalench.



To tancho tiatr, kossoch cholonk nam.



POTRAKAARANCHI ZABABDARI



Tor hea vatavoronnant , eka borea potrakaarachem kaam vo zabadari kitem ?

Tiatristank luskonn zaina zaunk ek “vaitt” tiatr “boro” mhunnpachem?

Vo, vaitt “Review” borounk poddta mhunn ,”Review”-uch boroinasatana rauchem ?

Zalear, tiatr-machi koxi sudhortoli?

Konkani Tiatr, konn sudhraitolo?

Potrakaarank , tiatr sudhraupachi, il’li tori zababdari assa kai nam ?



Ani,“ttika” kelea xivai, tiatr kaim sudhorta ?



MODHLI VATT



Mhaka zalear dista, hea vatavoronnant , amkam sogleank, ek “modhli vatt’ sodhun kaddpachi goroz assa..

Tiatrache udorgothik, “ttikai” gorjechi ani tiatrak “arthik palovui” (financial support) gorjecho..

Tor potrakaarani tiatrachi hi poristithi somzun gheunchi goroz.

“Review” boroita astana il’li moriad rakchi goroz assa. Eka tiatrant , jem kitem borem asa tacher chodd bhar ghalcho.

Hacho orth osso nhuim ki vaitt assa tem lipounchem.

Nam ! punn, “vaittak” vaitt mhunnche suvater, “tantunt il’lem sudharop kel’lem zalear anikui borem zaum eta” he pod’dotin borounchem.

Vaittak, vaitt mhunnche suater, sudhraupak suchounneom diuncheo.

Osli, boroupachi pod’doth vapurli zalear, tantunt kaim fals borovop zaunchena.


Nirmateankui luskonn zaunchenam...Tiatristanchii urba moddchina. Oxem tumkam, dissona ?



Wilmix Wilson Mazarello

Tiatristank Man Asa vo Na?

Tiatristank Man Asa vo Na?

- Wilmix Wilson Mazarello



Mogall ixttano, tumi mhozo, fattlea sumanantlo, “Konkani Tiatro ek Industry”,ho lekh vachla zalear, tumkam jerul ho proxnn tantunt vachunk mell’la, “Kitem bodol’lam?”, ani thuinch, tea proxnnancho zababui, tumi vachla astolo.

Vachpeank , to lekh sodhpache tras poddchenuim, mhunn hanv to “proxnn” ani “zabab”, hanga novean boroitam.



KITEM BODOL”LAM ?



Tiatristponnank “respeid’ aila. Tiatristponnank “maan” aila. Tiatristponnant “duddu” aila.

Aiz Tiatristponn ek vyavasai ( Profession ) zalam, ani hi vyavasai dhorun, eka bhurgeachean aplo ghor-sounsar choloum eta.



Kaim vhoddlea Udhyogpotinchea Company-int, eka Manager-ak jitlem mhuineank pagar melltta, tachea-un chodd, kaim amche Tiatrist, mhuineank zoddttat.



Tor hea zababant kitlem soth assa ?

Khorench Tiatristponnank respeid aila ? Khorench Tiatristponnank maan melltta ?

Ani khorench, Tiatristponnant duddui aila ?



Hea tinui proxnnank, mhozo zabab, Ho ! Hoi ! Hoi !



RESPEID AILA



Poile suater, mhojean khatren sangon-eta Tiatristponnant respeid aila.

Jedna hanv , eka Tiatrant kantaram gaunk vo bhumika korunk vetam , tedna mhaka kitlosoch lok mellunk eta, ani amche sovem team lokanchem vagop polloun, mhaka khatri zalea, ki khorench, amcho lok Tiatristank boroch respeid dita.

Ani hanv zannam, ho respeid mhakach nhum, punn sogleam Tiatristank, diunk lagla.

Lok, Tiatrist-ankodde uloitana kosso vagta ,tacheruch gomta ki amcho lok, atam, Tiatr kolakarank “unch” dorzo diunk lagla.

To teomp gelo jedna lok amkam, ek vegllech nodren polloitalo.

Somazant amkam samko nimnno zago ditale. Punn aiz toxem nam.

Amche tiatr polloinnaruch nhuim , punn dusroi lok amkam atam respeid diunk lagla. . Tiatristanchi ‘kola”, koxi kitem, tem atam lok somzunk lagla.

Veg-veglleam kxetrantle munis, atam tiatristponnancho valor somzunk lagleat.



MAAN MELLTTA



Dusrem, Tiatristank atam maan melltta.

Heam proxnnancho zabab, “nemallim” (Daily Newspapers) vachteleank, jerul mell’la

astolo, hantunt dubau nam..

Antre-poirean amkam vachunk mellta ganv-ganvcho lok ap-aplea ganvchea Tiatrist-an cho bhoumaan kortat .

Tankam, khuimtori vedir haddun, sobemazar, maan-potram ditat vo tancho sotkar kortat. Tea bhair, Goycheo kaim “sonskrutuk molla”-veleo sounsthoi Tiatristancho “bhoumaan” kortat.

Goycho Serkar-ui, Tiatristancho bhoumaan korta, tea-bhair, chodduch yogdaan kel’leam Tiatristank “Goa State Cultural Award” dita.

Tor, ho Tiatrist-ponnank maan nhuim ?



DUDDUI MELLTTA



Atam, hea “lekhant”, kheritponni, Tiatrist-ponnant duddu assa mhunnttat te khorem kai ? hacher il’lem lokx diunea.



Samkeach noveam tiatristank (Nove Tiatrist) aiz kaal , unneant-unnem, eka tiatrachea proeoga fattlean (per performance) Rs. 300/- mozuri melltta.



Sumar, don-vorsam-voir kaam kelolea tiatristank (Modhlea Dorzeache Tiatrist), hea kallar, eka proeoga fattlean (per performance) komint komi Rs. 500 /- mozuri melltta.



*“Lok-Priya” zal’lea tiatristank (Famad Tiatrist) , eka proeoga fattlean Rs 800/- te Rs 900/- meren, mozuri melltta.



Tiatranche Nirmate (Producer), aple tiatr kontradak dita astana , soglo khorch kaddun , svotak Rs 1000/- tem Rs. 2000/- meren faido (profit) dovorta.



Atam, choddxea nanv-loukik zal’lea Nirmateancheam tiatranche, eka mhuineant, komit-komi 15 tori, proeog zatat, ani choddan-chodd 30 tori, proeog zatat.



Kontak 15 proeoguch dhorunea.



TIARISTANCHI ZODD



Mhunnttoch, eka mhuineant , tiatristanchi zodd zata oxi :-



Nove Tiatrist..................................... 15 x Rs 300/- = Rs 4500/-

Modhlea Dorzeache Tiatrist..............15 x Rs 500/- = Rs 7500/-

*Famad Tiatrist...................................15 x Rs 800/- = Rs 12,000/-

Producer.............................................15 x Rs 1000/- =Rs 15,000/-



Zorui, khuinchoi tiatr nettan chol’lo, ani tea tiatrache, mhuineant 30 proeog zale , zalear tich, tiatristanchi zodd “dobradan” zata, mhunnge (Nove Tiatrist....Rs 9000/-, Modhle....Rs 15,000/-, Famad....Rs 24,000/- ani Producer....Rs 30,000/-)





NO LIMIT



*Fuddem, “Famad Tiatrist”-anche zoddik “limit” nasta.

Ek tor, “Producer”-ak tanchi goroz, .karaann tanchem kaamui borem asta, ani dusrem mhunnlear, tanchea nanvan, tiatrak lok voddtta.

Mhunnttoch, tanchi mozuri “producer”-achean tharaunk zaina.

Te magta, title diunche poddtta.



Zaite pautt, “Famad Tiatrist” ekach borobor don-don, vo tin-tin legit tiatrani kaam korta.

Tedna tanchi, eka mhuineanchi zodd, kednaim Rs 40,000/- tem Rs 50,000/- meren, legit pauta.



Ek-ek vell osso eta, ki jitlo Tiatracho “Producer” zoddta, tachea-un chodd, “Famad Tiatrist” zoddttat.



LAKHANI ZODDPACHI SONDHI



Hi sogli zodd kuxik dourun , hanvem mhojea “Podd’dea Fattlean (12)”, hea lekhant dakholl kel’lem, tem tor assach, ki kaim “Producer”-anche tiatr, “Hall”-ani, “House-Full” cholonk lagle, zalear, tankam “Lakhani” zoddpachi sondhi melltta.



Tor, hi “Konkani-Tiatr”-antli zodd, koxi-kitem dista tumkam ?

Kaim Udhyogpotincheam, Company-ntlea “Manager”-ank sor zai sarki assa kai nam ?

Tiatristponn, ek vyavasai (Proffession) koxi dhorun, eka bhurgeachean aplo, ghor-sounsar, choloum-eta kai nam ?

Tuminch sangchem.

Konknni Tiatr, ek “Industry” ( Udhyog )

Konknni Tiatr, ek “Industry” ( Udhyog )

- Wilmix Wilson Mazarello



Voros 1950:-

Put :- Pai, mhaka Tiatrist zaunk zai.

Pai :- Baba, tem Tiatristponn amchea osleank nhuim re mhojea puta.

Tiatristponn fokot bebdeank, bekar munxeank ani somazant respeid nasloleank.



Voros 1960 :-

Put:- Pai, mhaka Tiatrist zaunk zai.

Pai :-Puta mhojea, Tiatrist zaun, tum tuzo ghor-sounsar korunk pauchona.

Tiatristank zodd assa ? Kitem khatoloi ? Familik kosso postoloi ?

Voros 1970 :-

Put :-Pai, mhaka Tiatrist zaunk zai.

Pai :-Poilo bori sirvis dhor.

Uprant tujea angantli “kala” vaprunk, “part-time” tiatristponn kelear zata.

Voros 1980 :-

Put:-Pai, mhaka Tiatrist zaunk zai.

Pai :-Baba, Tiatrist zatoloi zalear , boro unch “class’-icho Tiatrist za.

Kiteim zodd.

Sumaracho Tiatrist zaun vorsam piddear korinakai.

Voros 1990 :-

Put :-Pai, mhaka Tiatrist zaunk zai.

Pai :-Baba, aikolam Tiatrist zaupak borench “difficult mhunn. Te Tiatrist tuka tiatrani ghetele ?

Voros 2000 :-

Put :-Pai, mhaka Tiatrist zaunk zai

Pai :-Vhodde khoxen .

Boro Tiatrist za..

Tujem ani familichem naum voir kadd.

Aikolam Tiatrist bore zoddttat mhunn.

Tunvuim zodd ani tuzo ghor-sounsar kor.



He, Pai-Puta modhle, “dialogues” vachlear , amkam thoddkeant Konkani Tiatracho, 50 vorsancho itihas melltta.

Kosli udhorgoth zalea ti ,ani kitlem bodhlop zalam tem Konkani Tiatrant, (1950 tem 2000), heam 50 vorsam modhem.



Pai-che zabab dakoita, koxem amchea somazachem chintop bodhlot gelam tem , Konkani Tiatra vixim.

1950 vorsa poilim, Tiatristponn bhou thoddeam lokank zai aslem.

Aiz tem sogleankuch zai.



KITEM BODOL”LAM ?



Tiatristponnank “respeid’ aila. Tiatristponnank “maan” aila. Tiatristponnant “duddu” aila.

Aiz Tiatristponn ek vyavasai ( Profession ) zalam, ani hi vyavasai dhorun, eka bhurgeachean aplo ghor-sounsar choloum eta.



Kaim vhoddlea Udhyogpotinchea Company-int, eka Manager-ak jitlem mhuineank pagar melltta, tachea-un chodd, kaim amche Tiatrist, mhuineank zoddttat.



UDHYOG ( INDUSTRY )



Aikolam, amcho Goycho Serkar , Rs 5 lak “Iennavoll” asloleam dhondeank legit, ani komint-komi 10 karbareank kamank dovortolea Company-ink legit, “ Small-Scale-Industry”-chem ( Lhan-Udhyog ), “registration” dita, ani team dhondekarank kitleoxeoch souloti mellttat.

Zoxe-porim, “Income-Tax” kaddun uddovop.

Dhondo vaddounk duddvancho adar divop.

Kamdarank “insurance”, adi. adi. adi.



Zalear, Konkani Tiatrak , “Industry”-chem “registration”, ani teo souloti, kiteak mellona kai ?

Vo , “Industry”-khatir, jem jem kitem eka dhondeant zai poddtta, tem Konkani Tiatr-ant nam ?



TIATRANTLI IENNAVOLL



Konnem tori, Konkani Tiatrani , eka vorsantlean kitli “Iennavoll” assa , hacher chintop kelam kai ?

Konkani Tiatrant kitlo duddu khelltta ani Tiatracher kitlo lok aplem pott bhorta ? vo Konkani Tiatr kitlea lokank nokreo dita ? hacher konnenui, il’lem tori ‘research’ kelam kai ?



Hanvem kelam. Ani mhojea hispan, hanvem kel’lo sanshod ( Research) “odmasan’ sarko assunk zai.



“ CHECK-IT-OUT “



Konkani Tiatrachea mollar, Goyant, sod’deak 10 tori Nirmate / Digdorspi ( Producer / Director) assat, zanche-koddchean vorsantlean 2 tori, nove tiatr bhair sortat, ani te dor-eka tiatrache, 50 tori proeog (performances) kortat . Heam, Producer / Director-am modem aile, Roseferns, Prince Jacob, Mario Menezes, Minin de Bandar, John D’Silva, Anil Pednekar, Minin Mario, Pascoal Rodrigues, Maxcy Pereira, ani Comedian Dominic.

Tancheam tiatrantle “Iennavollichem” kont oxem zata:-

A) 10 Producer x 50 Proeog x Vorsak 2 pauttim = 1000 Proeog.

1000 Proeog x 800 tiketti eka Proeogak = 800,000 tiketti.

800, 000 Tiketti x Rs 60/- (Tikettichi Dor) = Rs 4,80,00,000 ( Iennavoll )



Tech porim, Goyant, tiatrachea mollar , anink 6 tori Nirmate / Digdorspi ( Producer / Director ) assat, zanche koddchean vorsantlean 1 tori, novo tiatr bhair sorta, ani te, tea tiatrache, 50 tori proeog kortat.

Heam, Producer / Director-am modem aile, Tony Dias, Samuel Carvalho, Comedian Ambe, Comedian Agustinho, Ben Envangelisto, ani Mariano Fernandes.

Tancheam tiatrantle “Iennavollinchem” kont zata oxem :-

B) 6 Producer x 50 Proeog x Vorsak ekuch pauttim = 300 Proeog

300 Proeog x 800 tiketti (Proeogak) x Vorsak ekuch pauttim = 2,40,000 tiketti

2,40,000 tiketti x Rs 60/- (Tikettichi Dor) = Rs 1,44,00,000 ( Iennavoll )



Toxench, Goyant Konkani Tiatrachea mollar, anink 10 tori Nirmate / Digdorspi, assat zanche koddchean, vorsantlean 1 tori, novo tiatr, bhair sorta ani tea tiatrache te, 25 tori proeog kortat. Heam Producer / Director-am modem aile, Milagres de Chandor,Anthony Sylvester, Inacio de Canacona, Junior Reagan, Ives Tavares, A.M Pacheco, F. Cardozo, Dominic Carvalho, Patrick Dourado ani Betty Alvares.

Tancheam tiatrantle, “Iennavollichem” kont oxem zata :-

C) 10 Producer x 25 proeog x Vorsak ekuch pauttim = 250 Proeog.

250 Proeog x 800 tiketti x Vorsak ekuch pauttim = 200,000 tiketti

200, 000 tiketti x Rs 60 /- = Rs 1,20,00,000 ( Iennavoll )



Tanchea fattlean, eta anik 5 Producer / Director je vorsantlean apleam Tiatranche 20 tori proeog kortat.

Tanche modem aile Kennyferns, Cyril Almeida, Star of Curtorim, Anthony San, ani Succur de Santacruz..

Tancheam tiatrantle “Iennavollichem” kont zata oxem :-

D) 5 Producer x 20 Proeog = 100 Proeog

100 Proeog x 800 tiketti = 80,000 tiketti

80,000 tikketi x Rs 60/- = Rs. 48,00,000 ( Iennavoll )



Tea uprant eta, anik 6 Padri ani tanche barim eta Ligorio Fernandes, he satui zann korezmant dhormik Tiatr dakhoitat.

Tanche , vorsantlean ek-ekleache 30 tori proeog zatat.

Tancheam tiatrantle “Iennavollichem” kont zata oxem :-

E) 7 Producer/ Director x 30 Proeog = 210 proeog

210 proeog x 800 tiketti = 1,68,000 tiketti

1,68,000 tiketti x Rs. 60/- = Rs. 1,00,80,000 ( Iennavoll )



Hanchea bhair, Goychea ganv-ganvani (LOCAL) Tiatranche Producer/Director assat, je ap-aplea ganvani tiatr boroun dakhoitat.

Kontak, ek-ek Talukeant panchuch (5) osle Producer / Director assat oxem dhorunea, je ap- apleam vaddeant ekuch vorsavollicho tiatr dakoita.

Mhunnge, 11Talukeant zale, 55 Poducer/Director.

Tancheam tiatrantle “Iennavollichem” kont zata oxem :-

F) 55 Producer / Director x 1 Proeog = 55proeog

55 Proeog x 800 tiketti = 44,000 ticketti

44,000 ticketti x Rs 60 /- = Rs. 26,40,000 ( Iennavoll )



(Dor-vorsak, Goychea bhairui, tiatranche proeog zatat, zoxe porim Mumbai...40, Gulf-ant 20, ani Europ/Amerikant ....10 , zanchi “Iennavoll” zata 70 x 800 x 60 = Rs.33,60,000/-..Punn aiz ami hanga Goyantuch zal’lea proeogancho hixeop kortam, mhunntoch hi “Iennavoll” ami hea kontant dhorina ).



Tor fokot Goyant, ekach vorsant, zal’lea tiatranchi “Iennavoll” zata :-

A) +B) + C) + D) + E ) + F ) = Rs 4,80,00,000 + Rs 1,44,00,000 + Rs 1,20,00,000 +

Rs. 48,00,000 + Rs 1,00,80,000 + Rs 26,40,000

= Rs. 9,19,20,000/-

( Rupees, Nine Crores Nineteen Lakhs Twenty Thousand, only )*



Tor hi “Iennavoll”, Konkani Tiatrak “Industry”-chem registration diupak, puro nhuim ?



TIATR NOKREO DITA



Fuddem, Tiatr, kitleaxeach Goykarank nokreo dita , zoxe porim “Hall” bhaddeak diupeank, Tiatr Boroupeank, Tiatr Director-ank, Actor / Actresses-ank, Kantoristank, Musicians-ank, Podd’dekarank, Lightman-ank, Sound-man-ank, Transport-Mini-Bus-karank, Transport-Pick-Up-karank, Stage Karbareank, Helpers(Vaurpeank), “Canteen” Choloitoleank, Tiketti Vinkpeank, Tiketti ani “Hand-Bill”-am xap-peank, Posters pintartoleank , “Car-Publicity” kortoleank, Newspaper-ank, Essai marunk ghoram bhaddeak ditoleank, “Script” type kortoleank ani Xerox-karank , adi . adi. adi.



Tor, Konkani Tiatra vorvim, itleo nokreo nirmann zatat , teo Konkani Tiatrak “Industry” registration diupak, puro nhuim ?



TIATR GOYKARPONN SAMBHALLTTA



Tea bhair, Konkani Tiatr, Goekaranchi kala, sanskruti ani Konni Bhas jivi dovorta, amchea somazak/ serkarak sudhraita, lokank bori xikxonn dita, tiatr polloinnarank boro divertiment dita, adi. adi. adi.



Tor anink kitem zai ?



Itlem sogott Konkani Tiatr korta, serkaracho kosloch arthik palov (financial assistance) nastana .

Zorui serkaracho “support “ aslolo zalear chintat, heach Tiatrachean, anink kitem-kitem korunk xoktolem aslem.

Assum, ti khobor !

Serkarachem “Industry Registration “ assum vo nassum, Goychea lokan tor, Konkani Tiatr, ek “Industry” (Udhyog), mhunnpachea dorjear pavoiloch.



WHETHER GOA GOVERNMENT RECOGNIZES IT OR NOT,

“KONKANI TIATR IS A VIBRANT INDUSTRY IN GOA”.

' TIATR Faidean vo Luksonant?'

'TIATR Faidean vo Luksonant?'

- Wilmix Wilson Mazarello



TIATRANCHE “PRODUCER”

Konkani Tiatrache Nirmate ( Producers ) konn ?
Zaite pauttim, tiatranchea “poster”-ancher vo “hand-bill”-ancher vo jahirat-incher (advertisement), amkam boroil’lem mellta ki, homkoch, tea tiatracho “Boroinar ani Director”.
Choddxeam jahirat-incher, amkam tea tiatracho “producer “ konn , hem boroil’lem mellona. Tor kiteak ?
Ek teomp osso also, tiatracho “producer” ( nirmato) ani boroinar/director toch astalo. Mhunnge, ek tiatr boroupi, tiatr boroitalo, tiatrachem “direction’ kortalo, ani apunnuch to tiatr, lokam-meren pavoitalo.
Tiatr “lokam-meren pavoitalo” mhunnge , to aplech duddu khorchun, tea tiatrant kitem zai-naka tem haddttalo, tiatr “contractor”-ank, zaum igorzank, vo heram sounsthank / “club”-nk ditalo , tiatristank zaum muzgank, ani heram karbareank farik kortalo, adi.. adi.. adi.
Aizui, konkani tiatrani choddxi, hich poristithi chaalu assa.

“BUSINESSMEN PRODUCER”
Thoddem bodlop dissunk laglam tem hem, alinchea kallar kaim tiatranche “Producer” mhunn, konkani tiatranchea molllar dissunk lagleat.
He “Producer”, tiatracho soglo khorch apunn sambhalltat ani “Boroinar / Director”-ak tachi mozuri dilea uprant, “profit” urta to apnnank dovortat.
Mhunnge, “producer”-ank tiatr ek “business”, duddu “invest” korunk.
Ek mat khorem, heram “business’-am porim, heavui “business”-ant borich “risk” assa. “Profit” mellttolich mhunn khatri nasta.
Zaiteam nirmateank ( Producer ) luskonnui bhogchem poddtta.


TIATRANCHI “GODDI” / TIATRANCHO “VIS”
Mhojean khatren sangom-ieta,hea adim, kitleanxeach boroinar/director-ani vo “producer”-ani tiatrachea “business’-ant vo tiatrachea moga-khatir, aslem-naslem vinkun, aplea jivitache/familiche, bhognnar legit keleat.
Osli ki hi, tiatrachi “goddi’ vo tiatrancho “vis’ .
Bhou thoddeam, tiatrancheam nirmateank vo boroinar / director-ank, arthik ies mell’lam (financially successful).




“RISK”
Alinchea kallar , hem Tiatranchem “business’ anikui vaddlam. Mhunnge, duddvancho khorch vaddla, “competition” vaddlam , “risk’ vaddlea.
Zoddtta to boroch zoddtta ani buddtta to boroch buddtta.
Choddxe buddttat, bhou thodde zoddttat.
Tor itlem zanno assunui hi “risk” gheupachi kai kitem ?
Gheupachi von nam gheupachi ti tech, ghetelech zannant, ani te ghetat.


ZANNKARI
Mahiti khatir, hanv tumkam, tiatrachea khorchachi, thoddi zannkari ditam :-

A) Zorui ek tiatracho “producer” vo boroinar / director, fokot ganvani tiatr kortolo zalear, vo fokot contradak tiatr ditolo zalear , taka vhoddlixi “risk” nasta.
Tech porim , taka vhoddlixi “zodd”-ui nasta, karann khuinchoi contrador taka chodd “profit” dourunkuch dina.

B) Tiatrancher bori zodd mellttoli zalear “producer”-an, tiatr, “Hall’-ani korunk zai, ani team tiatrank bhorpur lokui zaunk zai .
Tedna ki “producer”-ak boro faido urta.

C) Zoxem,”Hall”-ani kelolea tiatrank, bhorpur lok zalear faido melltta, toxench teanch tiatrank lok samkoch unno zalo zalear, “producer”-ak luskonnui bhogchem poddtta.

D) Pausant zaum Gimant, “hall’-ani tiatr dakhoun zoddpacho proitn kortolo zalear, vo “risk’ ghetolo zalear, “producer”-an poilo, boroch duddu “invest” korchi goroz assa.

E) Aikolam tea pormonnem, heam “Pausalleant”( June tem Outumbr -2008), tiatr dakhounk fuddem sorleat, team kaim “producer”-ani, ek-eklean, komint-komi, survatekuch, soulla (16), tori “hall-ancho khorch, adim-fuddench, korun dovorla. ( Margao -8 , Panjim-4, Mapusa-2, Sanvordem-1, Ponda-1),

F) Zor eka “hall”-achem bhaddem, ani “deposit”, odmasan Rs.10,000/- dhorlem zalear, eka-eka “producer-an, komint-komi, survatekuch, Rs 1,50,000/- , fokot “hall”-am addaupak dourunk zai.
Tea bhair jahiratincho, “poster”-ancho ani “setting”-acho khorch vegllo.

G) Mhunnttoch , atanchea kallar, bolsant Rs 2,00,000/_ aslea xivai, khuincheai “producer”-achean, ek novo tiatr “Hall”-ani dakhounk, koxench fuddem soronk zaina.

Hem sothmandunk borench augodd lagta nhuim ?
Punn hem “Soth”.
Torui dubau lagta zalear, hea “Pausalleant”, konn nove tiatr bhair kaddttat, team “producer”-ank vochun vincharat.

Fuddlea sumanant, “Podd’dea Fattlean” lekhant, Tiatrant Iennavoll (Income) koxi kitem asta, hacher “mahiti”, vachunk toear ravat.

Wilmix Wilson Mazarello
www.goa-world.com/goa/tiatr/



Gulf-Goans e-Newsletter
http://www.yahoogroups.com/group/gulf-goans/
GULF-GOANS e-NEWSLETTER (Since 1994)
Moderated by Gaspar Almeida & Presented by Ulysses Menezes