Saturday, August 2, 2008

Azunui Tiatristanim Tech Tras Bhogche?

Azunui Tiatristanim Tech Tras Bhogche?

- Wilmix Wilson Mazarello



MAHITI:-

Dor-vorsak, Konkani Tiatrank tin “Kall” ( Seasons ) astat, jednam nove Tiatr bhair sortat vo suru zatat.

1..Ek “Kall”, Paskanche Porbek saun suru zata ani Mai-mhuineanche xevott meren cholta (beginning Easter-Sunday & goes upto May ).

2. Dusro “Kall’, Pausant suru zata ani Outumbr meren cholta. ( begining June and goes upto October).

3. Tisro “Kall”, Novembrant suru zata ani Janer meren cholta. ( begining November and goes upto January)

Atam, sod’deak chalu assa to Konkani tiatracho “Kall”, suru zal’lo Paskanche Porbek saun ani azunui chalu assa..

Hea kallant kitlexech nove tiatr bhair sorle, zoxe porim :-

A. Prince Jacob-acho “RONG”

B. John D’Silva-cho “EKVOTT”

C. Comedian Agostinho-cho “POLICE”

D. Anil/Olga-cho “GHAVO TUKA DUKH MAKA”

E. Comedian Ambe-acho “KALLEM MAZOR”

F. Pascoal Rodrigues-acho “TALLNNI”

G. Roseferns-acho “MAIM, TUZO UPKARI HANV”

H. Anthony Sylvester-acho “DON’T WORRY BE HAPPY”

I. Jr. REAGAN-acho “SUN, TEA GHARACHI”

J. A.M.Pacheco-cho “CUNHEAD”

K. Steve Coelho-cho “HO ROSTO TUMCHO NHUIM”

L. Maxcy Pereira-cho “MHAKA DEV BHOGXITOLO”

M. Mario Menezes-acho “GHORABEACHE VANTTE”

N. Domnic Carvalho-cho “TI TUKA RAUTA”

O. Cyril Almeida-cho “KODDU SOTH”

P. Jack –E-cho “MOJEM NOXIB”

adi...adi...adi...



Heam Tiatram-modhle kaim tiatr “Tiatr-rupant”asle ( kantaranche ), zalear kaim tiatr “Non-Stop-rupant” asle ( Khell-tiatr).

“Non-Stop” rupant kel’leani ap-aplea, sodanchea, kolakarancho pongodd gheun proeog kele, zalear “Tiatr-rupant” korteleani nanv-vostea gaupi kantoristank gheun , proeog kele.

Konnancho tiatr vo “Non –Stop Show” boro zala vo vaitt zala, tem tiatr polloinnaruch sangtole.





NANV_VOSTE KANTORIST:-

Punn ek matr khorem , “Tiatr-rupant” kortolea Nirmateank (Producer-ank), nanv-vosteam kantorisank tanchea pongddank gheun, ani tanche souloti pormonnem proeog korunk zaite pauttim borech tras gheunche poddtta.

Hachem karann mhunttlear, nanv-voste kantorist Goyant, bhou-thodde assat

Osle kantorist, choddxe, eka-un subeiz tiatrant ,ekach borobor distat.

Kednaim oxem zata, don vo tin tiatranco proeog teach velar, veg-veglleam suvatancher asta. Tedna tinuim tiatrant aslolea kantoristan eke-kodden saun dusre-kodden, ani dusre-kodden saun tisre kodden dhaunchem poddtta.

Koxei porim te kantorist tegaim nirmateank (Producer-ank) sambhallttat.

Punn tiatarachi manddavoll (summary) matr, kantoristank lagun halounchi poddtta.. Nirmateank borench “tension”ui zata.

Kitem kortolo ? Lokank bore kantorist zai, mhunnttoch tem il’lem “tension” nirmatean sonschench poddlem.



EK UDHARONN:-

Chalu aslelea Tiatrachea “Kall”ant, Wilmix ani Sharon ekach borobor don tiatrani aslim.Comedian Ambe-cho “Kallem Mazor” ani Jr. Reagan –acho “Sun Tea Gharachi”.

Dogui Nirmate zanno asle ki “Wilmix ani Sharon ” donui tiatrani assat mhunn.

Dogui Nirmateani eka-mekak vicharun, ap-aple proeog manddunk suru kele.

Dogainchei, sumar vis-ek proeog zai meren kainch “problem” zalena. Wilmix ani Sharon -an , dogainchei tiatr bore toren kele.

Konnaikui, koslech tras zalena.

Pun May-ache 11 ver 2008, ekach vellar , sanjechea 7 vaztam, dogui Nirmateani ap-aplo tiatr korunk svikarle.. Kallem Mazor” (Choddnnea) ani “Sun Tea Gharachi” (Santana-Curca).

Kolltanch, Wilmix /Sharon-an Jr.Reagan –ank sanglem, Santana-cheam contradorak, mell ani tancho tiatr, sanjechea 7 vorancher suru zauncho assa to, il’lo fuddem vhor ani 9 vorancher suru korunk lai mhunn. Mhunnge, tanchean Choddneam “Kallem Mazor” tiatr korun, Santana, tacheai tiatrak pavonk xokta. Jr. Reagan raaji zalo, ani Santanache contradorui raaji zale.

May-ache 11 ver 2008, Wilmix ani Sharon poilim Choddneam gelim, Comedian Ambe-n tankam tiatrachea suruvatekuch, tanchim donuim kantaram gaupak dilem, ani donui kantaram gaun Wilmix ani Sharon , Santana vospak bhair sorlim.

Atam meren soglem bore toren zalem .

Punn tumi zannant., Choddneam saun Ponje etolo zalear modem “Mandovi Nodi” assa, ani ti par korunk tuje gaddi-ek ani tukai “ferry-boat” lagta. “Ferry-Boat”ikodde pautam mhunnttlear, .Motorcycol-inchi ani gaddi-eanchi vhoddli “line’ asli.

Tor atam kosso vetolo ? “Line”, toddunk kaim zata ? Lok zhogddunk etolo.

Thuim “line”-int astanach, ratchim 9 vazlim. Santana tiatr suru zauncho vell zalo. Thuinchean Jr Reagan ache phone-ar phone eunk lagle, begin pavat mhunn. Punn kosso pautolo ? Upkar maglear lok kosoch aikona. Sogleankuch begin vossonk zai aslem. Ek “Ferry - boat “ aili ani thoddeanch gaddiank gheun geli. Amcho numbor lagonk nam. Santana saun,he pauttim, contradoracho phone ailo , thuim mattvant lok bhorla ani tiatr suru kor mhunn kestanvam korunk lagleat mhunn.

Tedna ami tankam sanglem, tiatrachi manddavoll il’li bodhlat ani ami nastana tiatr suru korat mhunn. Tenni toxench kelem, ani tiatr suru kelo.

Sumar 10 vaztam ami paulim. Team uprant, lokui xant zalo ani lokank Wilmix/Sharon-anchim kantaram toxench bhumikeoi pollounk meuleo. Lok, khoxeal zaun ghara gelo.

Sangpachem mhunnlear , Nirmateak ani Contradorak borench “tension” zalem.



FERRY_BOAT ANI NODI_EO:-

He ghoddnnenk lagun mhaka iead zalo , sumar 30 tem 40 vorsam fattim, jedna Goyant , nodi-eo par korunk “Pool” naslech ( bhairaun Banastarim ani Borim ).

Goyant “traffic” sucegad cholo. Saxttint saun Ilhas vetolo zalear “ferry-boat”-in vechemch poddttalem. Ak’kho dis eupak vochpakuch lagtalo. Oslich poristithi Ilhas saun Bardez vochonk ani Bardez saun Pernem vochonk .

Talukeant saun talukeantuch nhuim, punn eka ganvant saun dusrea ganvant vetolo zalear legit , tench. Assolna saun Velim vochonk nodi, Chinchinim saun Orlim vochonk nodi, Raia saun Shiroda vochonk nodi. Heam lhan ganvani tor,”ferry – boat”-i nasleoch, mhunnttoch lhan voddeanii nodi-eo par korchem poddttalem.

Lokank tor he tras aslech, punn kheritponni Goycheam tiatristank, zankam choddxem ratchem bhonvonk poddttalem, tiatr korpak.Vete-paulak voddim nam tor “ferry-boat”-i. .

Tiatrist ank borench adim-fuddem bhair sorchem poddttalem. Tech porim tiatr kelea uprant te babdde borech usram ghara pautale. Ratcheo , tankam. kednaim, “ferry- boat” melloch nasli. Sokall zai sor raunchem poddttalem.

Mhaka iead zata , jedna Tiatrist, raat –bhor Tiatr kelea uprant, sokall zaisor “ferry-boat”-ichea dokear eun bostale.

Kitle tras . Jhem nam. Nidhunk zago nam. Hem soglem, tednancheam tiatristani sonslem, fokot Konkani titrachea mogak lagun.

Kednaim “Ferry-boat”-ichea dokear, konnui modench line-in ghusonk sodhta zalear, zhogddim kestanvam zatalim. Tinvuim sonschim poddttalim. Sogleank begin pavonk zai aslem, punn chodd tras zatale zanche kodde “motor-gaddieo” asleo vo “bus:-i”, karann “ferry-boat”-ir pauttik, thoddeoch gaddieo vo “bus”-i ghetale.



AZUNUI TENCH CHOLTA:-

Aiz . Goynchi suttka zalear, unnem pon’nas vorsam bhorlim, amche Goykar amcho serkar choloitat. Goychi udhorgoticho vaur amcheach hatant assa. Khorem mhunnttlear, hi poristithi bodhlunk zai asli. Punn , Nam ! Goychi Udhorgoth favo tea nettan zaiich nam. Pon’nas vorsam suttke uprant, Ponnje tem Choddneam vochonk “Pool” nam. Old Goa tem Divar vochonk “Pool” nam.

Hem ek mukhel karann , Mai-eache 11 ver Tiatristam Wilmix ai Sharon , Santana tiatrak usram paulim Lokank tras zale.

Kednam kai Deva, Goyant Ponnje tem Choddneam ani Old Goa tem Divar vochpak amkam “Pool” melltele ?

Divar ani Choddnencheam lokanchem konnuch kiteak chintina kai ?

Anink kitlim vorsam mhunnon, heam lokan he tras sonspache ?

Divar ani Choddnenchea lokank kosloch hok’k nam ?

Portugez Serkar,Goy soddun gelear, unnem pon’nas vorsam bhorlim, punn Choddneam ani Divar azunui ratche “ferry-boat’-ichea dokear “Tiatrist” distat..

Wilmix Wilson Mazarello

No comments: